Luka 5:16 - Sơ̆p Hlabơar Nơ̆r 'Bok Kei-Dei

¹⁶ Mă-lei hơtai noh Yêsu wă năm krao khan kơ 'Bă Sư 'Bok Kei-Dei tơ anih kueng, na Sư năm hloi.

Luka 5:16 Iomraidhean Croise

Mathiơ 14:23

Đơ̆ng noh na Yêsu sơlah đơ̆ng lu bơngai tơpôl noh tŏk tơ kông kơdrô̆ wă krao khan kơ 'Bă Sư. Lăp 'năr mơ̆t măng mơt boih Sư oei tơ noh mơ̆n.

Markôs 6:46

Đơ̆ng noh na Yêsu tơklah đơ̆ng lu đe ei tŏk tơ kông kơdrô̆ Sư wă krao khan kơ 'Bă Sư.

Luka 3:21

Kơplah đe tam mă phak Yôhan sơ̆ sư pơm 'batem kơ lu kon tơring tơrang. Đơ̆ng noh sư kư̆m pơm kơ Yêsu 'batem mơ̆n. Lăp Yêsu iŏk 'batem đang boih na Sư krao khan kơ 'Bok Kei-Dei, na plĕnh tơpơih.

Luka 6:12

Kơplah ei Yêsu tŏk tơ groi kông wă krao khan kơ 'Bok Kei-Dei. Sư krao khan tơ noh prăt măng hloi.

Luka 9:28

Dang tơhngam năr đơ̆ng rŏng kơ Yêsu bơtho tơdrong noh Yêsu anhăk lu bơngai pơhrăm păng Sư, anăn lu sư Pêtrôs, Yôhan păng Yakơ, lu sư tŏk tơ kông kơdrô̆ lu sư wă krao khan.

Luka 9:29

Kơplah Yêsu oei krao khan, muh măt Sư tơwir hloi păng ao Sư rang hơdah mơnhal.

Yo 6:15

Yêsu băt kơ lu đe ei wă rôp pơgŏ Sư athei pơm Pơtao lu sư. Na Sư kơdâu ôn kơdrô̆ Sư tơ kông.