Luka 5:12 - Sơ̆p Hlabơar Nơ̆r 'Bok Kei-Dei

¹² Minh năr ei Yêsu năm tơ pơlei đe tơ'bơ̆p minh 'nu bơngai jĭ chin jơ̆p-jang kơ akâu sư. Lăp bơngai ei 'bôh Yêsu na sư drap hloi kơkuh kơ Sư păng apinh Yêsu thoi âu: “Ơ 'Bok, dah Ih wă, Ih gơh pơklaih inh.”

Luka 5:12 Iomraidhean Croise

Bl 18:14

Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

I Pot 18:39

Lăp kon pơlei pơla 'bôh thoi noh bơih lu sư drap brom tơ teh kơkuh păng khan: Kră Yang bơih 'Bok Kei-Dei! Kră Yang bơih 'Bok Kei-Dei!”

II Pot 5:1

Naaman 'bok yŏng pơgơ̆r linh pơtao đe Aram, sư noh jơ̆ minh 'nu bơngai đei tơdrong gơh kĕ 'bơ̆t anăp yŏng tơ'ngla sư; đe kư̆m pơyom kơ sư dêh yua kơ Kră Yang yua sư tơblah ăn kơ lu kon Pơlei Aram kĕ jei, bơngai 'nâu sư nuih, pran kơtang, mă-lei sư 'bơm chin.

II Pot 5:27

Yua kơ thoi noh bơih, jĭ chin Naaman gô hơpoh tơ ih păng adrĕch adrung ih ling-lang ưh kơ layơ tôch.” Gêhasi weh hloi đơ̆ng Êlisê, 'bơm hloi chin tơbôk thoi prĕl.

II Pot 7:3

'Bơ̆t 'măng dur đei puăn 'nu bơngai jĭ chin, lu sư pơma dơnuh băl: “Bơ̆n hrăn ngôi kơ kiơ 'bơ̆t dâu dĭng truh kơ lôch?”

I Ho 21:16

Đawit lăng 'bôh linh jang 'lơ̆ng Kră Yang dơ̆ng tŏk-bŏk teh hăm plĕnh. Ti sư chĕp đao yơ̆r tơ gah pơlei Jêrusalem. Kơplah noh Đawit hăm kră pơlei hrŭk 'bi sơtơ̆p kŭl-tăng kŭp muh măt tơ teh.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Le 4:6

Kră Yang khan dơ̆ng: Dan ti ih tơ kơtơh. Na sư dan hloi, klaih kơ 'noh sư hiŏng ti. Na, 'bôh ti sư 'bơm chin kok hmông thoi prĕl.

Lêwi 13:16

Mă-lei tơdah akâu akar sư đơ̆ng 'brê jing kok sư athei năm tơ'bôh akâu sư tơ 'bok soi.

Lêwi 9:24

Ŭnh lĕch đơ̆ng anăp Kră Yang sa tơmam soi 'buh păng rơmă kơpal chơnang soi. 'Bơ̆t đĭ-đăng kon pơlei 'bôh tơdrong noh, wang chhôk jreo drap kŭp kơ̆l tơ teh.

Mathiơ 26:6

Yêsu oei tơ hnam Simôn, bơngai mă đêl jĭ chin tơ Pơlei Bethani.

Mathiơ 9:28

Lăp Yêsu mơ̆t tơ hnam, bre sư kư̆m mơ̆t kiơ̆ mơ̆n. Na Yêsu jet bre sư khan: “Biĕm hăm lui kơ Inh gơh pơklaih biĕm?” Bre sư khan: “Lui.”

Markôs 5:23

Sư apinh lung Yêsu khan: “Kon adruh inh wă jê̆ lôch. Apinh Ih năm chro ti pel akâu sư wă kơ sư klaih, huay kơ lôch.”

Luka 17:16

Sư kŭp kơ̆l bon 'bơ̆t jơ̆ng Yêsu păng khan: “Bơnê kơ Ih.” Bơngai noh đơ̆ng dêh char Samri, ưh kơ sĭ bơngai Juđê ôh.

Luka 5:13

Na Yêsu chro hloi ti pel bơngai ei păng khan: “Inh wă tơpă pơklaih ih, Inh pơklaih ih dang ei.” Na bơngai jĭ ei klaih kơtă hloi.

Both 24:8

Lăm tơdrong jĭ chin kren, athei kơchăng pơm kiơ̆ mă tơpă dôm tơdrong mă 'bok soi bơtho adrĕch Lêwi pơkă boih lu iĕm athei kơchăng pơm kiơ̆ thoi inh đei bơtho pơkă boih hăm 'bok soi.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

Jôsuê 5:14

Sư tơl: Ưh, Inh Yŏng Linh Kră Yang. Jôsuê drap tơ teh kŭp kơ̆l kơkuh: Jet “Kră Yang athei đĭch đam Ih 'nâu pơm kiơ?”