Luka 5:1 - Sơ̆p Hlabơar Nơ̆r 'Bok Kei-Dei

¹ Minh năr ei Yêsu oei tơ jih đak dơsĭ Galilê mă đe kư̆m anăn dơsĭ Gênêsaret, na lu đe tơpôl hmĕt hmot Sư yua kơ wă mơ̆ng Sư bơtho tơdrong 'Bok Kei-Dei.

Luka 5:1 Iomraidhean Croise

Jo 34:11

đơ̆ng Sêpham jur truh tơ Ribla tơ gah hơlĕch kơ Ain; đơ̆ng noh jur tơ gah hơlĕch đak Dơsĭ Kinêret.

Mathiơ 11:12

Đơ̆ng Yôhan bơtho sơ̆ truh dang ei đei lơ bơngai adrin tơpă wă kơ 'Bok Kei-Dei pơgơ̆r lu sư.

Mathiơ 14:34

Lăp lu sư tŏk găn hlôi kơ đak dơsĭ boih, lu sư truh tơ tơring Gênêsaret.

Markôs 3:9

Na Yêsu athei lu bơngai pơhrăm păng Sư 'măn kơ Sư thŏng-nan jê̆ jih đak wă kơ Sư hao kơpal thŏng-nan ei; dah Sư dơ̆ng tơ kông hli kơ đe hmĕt hmot Sư.

Markôs 4:1

Yêsu bơtho tơ jih đak dơsĭ Galilê dơ̆ng. Đei lơ bơngai tơpă akŭm tăp dăr kơ Sư na Sư tŏk oei kơpal thŏng-nan tơ đak. Lu bơngai lơ ei oei tơ jih đak.

Markôs 5:24

Na Yêsu năm kiơ̆ sư. Kư̆m đei lơ bơngai yak hơdai Yêsu bĭt hmĕt hmot Sư.

Markôs 6:53

Lăp lu sư tŏk hlôi kơ đak dơsĭ ei boih lu sư truh tơ tơring Gênêsaret, na 'măn lê̆ thŏng-nan lu sư tơ jih đak dơsĭ.

Luka 12:1

Klaih kơ noh đei lơ rơbâu 'nu bơngai akŭm tơ Yêsu truh kơ lu sư mah tơhmĕt tơhmot dih băl. Na Yêsu pơma kơdrô̆ kơ lu bơngai pơhrăm păng Sư thoi âu: “Iĕm athei kơchăng kơ lu bơngai Pharisi hŏ yua kơ lu sư bơngai 'bơ̆r đak klak ŭnh.

Luka 5:2

Na Sư 'bôh 'bar tŏ thŏng-nan tơ jih đak dơsĭ ei, na lu bơngai chă ka ei ưh pă đei hao thŏng-nan lu sư, yua kơ lu sư hăt kơ pih jal lu sư.

Luka 8:22

Minh năr ei, Yêsu păng lu bơngai pơhrăm păng Sư tŏk thŏng-nan. Na Yêsu khan kơ lu sư: “Bĕ bơ̆n tŏk pah to đak dơsĭ.” Na lu sư năm hloi.

Luka 8:23

Kơplah lu sư oei yak kơpal đak dơsĭ, Yêsu tep. Na đei kial hơbŭt tih păng đei đak poh-yă tih tơprah mơ̆t lăm thŏng-nan. Đak wă jê̆ 'bĕnh na thŏng-nan wă jê̆ krăm.

Luka 8:33

Thoi noh na lu sư jăk hloi đơ̆ng bơngai 'nei mơ̆t hĭ tơ lu nhŭng. Lu nhŭng ei kơdâu jur đơ̆ng kông groi ei huŏng hơtat tơ đak dơsĭ, glơ̆k lôch đĭ minh tơpôl nhŭng ei.

Luka 8:45

Kơplah 'nei Yêsu khan: “Bu kih pel Inh?” Đĭ-đăng lu đe ei khan: “Nhôn ưh kơ đei pel Ih.” Na Pêtrôs khan: “Ơ 'Bok Thây, đei lơ bơngai hmĕt hmot Ih.”

Yo 1:40

'Bar 'nu bơngai pơhrăm mă kơtơ̆ng Yôhan khan thoi noh na kiơ̆ lăng hloi anih Yêsu ei, minh 'nu anăn sư Andrê. Sư oh Simôn.

Yo 6:1

Đunh 'biơ̆ đơ̆ng ei, Yêsu tŏk pah to đak dơsĭ Galilê mă đe kư̆m anăn dơsĭ Tiberia.

Both 3:17

Hơdral gah bơmơ̆t noh thŭng glă Jôrđăn lăm teh Araba, đơ̆ng Kinêret truh tơ thŭng glă đak dơsĭ Araba noh đak Dơsĭ 'Boh, b tơ jơ̆ng kông Pisga, tơ gah hơlĕch.

Hêbrơ 13:7

Iĕm athei lăng tơdrong arih bơngai mă bơtho iĕm tơdrong 'Bok Kei-Dei sơ̆, tơdrong arih sư thoi yơ, sư lôch thoi yơ, iĕm athei rok kiơ̆ tơdrong lui sư noh.

Jôsuê 12:3

Sư kư̆m pơgơ̆r wei-lăng đĭ tơ lăm thŭng truh tơ đak dơsĭ Kinêrot gah hơlĕch thŭng đak Dơsĭ 'Boh, tơ gah hơlĕch kơ Bêt Jêsamôt, sư kư̆m wei-lăng truh lăm thŭng gah gơal jê̆ jơ̆ng kông Pisga,

Jôsuê 13:27

păng tơ lăm thŭng Bêt Haram, Bêt Nimra, Sukôt păng Saphôn noh jing teh oei lê̆ lăm char Sihôn, pơtao Hesbôn gah hơlĕch kơ đak Krong Jôrđăn să truh tơ tôch đak Dơsĭ Kinêret.