Luka 4:4 - Sơ̆p Hlabơar Nơ̆r 'Bok Kei-Dei

⁴ Na Yêsu khan kơ sư: “Ưh ôh, yua kơ sơ̆p hla bơar 'Bok Kei-Dei đei chih khan lê̆ sơ̆ thoi âu: ‘Kon bơngai ưh kơ đei arih đơ̆ng tơmam sa đĕch ôh.’ ”

Luka 4:4 Iomraidhean Croise

Le 23:25

Iĕm athei kơkuh kơ Kră Yang 'Bok Kei-Dei iĕm; sư Kră Yang gô tơgŭm iĕm tơmam sŏng sa, ăn kơ iĕm liĕm akâu păng huay kơ đei jĭ jăn.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Je 49:11

Lê̆ bĕ lu kon mơti iĕm kơ inh; Inh gô wei rong lu sư; Lu drŏ-kăn adro kư̆m gơh lui gơnang kơ inh.’ ”

Mathiơ 4:4

Yêsu khan: “Ưh ôh, yua kơ sơ̆p hla bơar 'Bok Kei-Dei đei chih khan lê̆ sơ̆ thoi âu: ‘Kon bơngai ưh kơ đei arih đơ̆ng tơmam sa đĕch ôh, kon bơngai arih yua kơ 'Bok Kei-Dei ăn.’ ”

Mathiơ 6:31

Thoi noh na iĕm 'nĕ pă tơchĕng khan: ‘Bơ̆n wă sa kiơ, hrŭk kiơ?’

Luka 22:35

Na Yêsu khan kơ lu sư dơ̆ng: “Sơ̆ Inh wơh iĕm năm chă bơtho đe, na Inh khan kơ iĕm 'nĕ kơ chĕp ba jên, mă kơdŭng tah tơmam, dah chơkhŏ, na iĕm hăm kơ'bah kơ tơdrong kiơ ưh sơ̆?” Lu sư tơl: “Nhôn ưh kơ đei kơ'bah tơdrong kiơ ôh sơ̆.”

Luka 4:10

yua kơ đe đei chih lăm sơ̆p hla bơar 'Bok Kei-Dei sơ̆ khan: ‘'Bok Kei-Dei gô ăn linh jang 'lơ̆ng Sư wei-lăng Ih,’

Luka 4:3

Thoi noh na đei yŏng yang kơnê̆, anăn sư Satan pơhlŭ Sư khan: “Dah Ih Kon 'Bok Kei-Dei tơpă Ih kuă kơ kiơ sơkat kơ tơmo âu jing 'bĕng?”

Luka 4:8

Na Yêsu khan kơ yang Satan ei thoi âu: “Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Êphêsô 6:17

Bơ̆n athei yơ̆l môk kơlăm; 'noh wă pơtih gia kơ bơ̆n gơnang kơ 'Bok Kei-Dei pơklaih bơ̆n đơ̆ng tơdrong yoch. Athei iŏk chĕp đao han đơ̆ng Yang Bơhngol 'Lơ̆ng ăn; 'noh wă pơtih gia kơ bơ̆n, athei bơ̆n iŏk nơ̆r 'Bok Kei-Dei tơbăt ăn kơ đe.

Both 8:3

Sư ăn kơ iĕm pơngot 'me rong iĕm ăn kơ iĕm sa mana mă iĕm păng lu yă 'bok kư̆m tam mă biơh băt, wă bơtho iĕm băt, kon bơngai arih ưh kơ trŏ arih đơ̆ng tơmam sa đĕch ôh, mă-lei kon bơngai arih đơ̆ng nơ̆r Kră Yang.