Luka 4:23 - Sơ̆p Hlabơar Nơ̆r 'Bok Kei-Dei

²³ Na Yêsu khan kơ lu sư: “Iĕm wă jô̆ kơ Inh tơdrong đe juăt kơ pơma thoi âu: ‘Ơ 'bok thây pơgang, pơklaih tơdrong jĭ ih kơdih 'mơ̆i, yua kơ pơlei âu pơlei Ih kơdih na Ih athei pơklaih đe tơ âu kư̆m thoi nhôn kơtơ̆ng ang Ih pơklaih đe tơ Pơlei Kapernum ki.’ ”

Luka 4:23 Iomraidhean Croise

Mathiơ 4:13

Yêsu ưh pă oei tơ pơlei Sư Nasaret boih, na Sư năm oei tơ Pơlei Kapernum. Pơlei ei kiơ̆ jih đak dơsĭ Galilê lăm tơring Sabalôn păng tơring Naptali.

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Markôs 6:1

Yêsu đơ̆ng noh brŏk tơ pơlei Sư kơdih, lu bơngai pơhrăm păng Sư kiơ̆ Sư mơ̆n.

Luka 2:39

Lăp mĕ 'bă Yêsu pơm tôm tơdrong kiơ̆ kơ tơdrong juăt 'Bok Kei-Dei pơkă boih, na lu sư brŏk tơ Pơlei Nasaret, pơlei sư kơdih tơ dêh char Galilê.

Luka 2:51

Đơ̆ng rŏng kơ 'nei na Yêsu brŏk kiơ̆ mĕ 'bă Sư tơ Pơlei Nasaret. Sư chu yom kơ mĕ 'bă Sư ling-lang. Na mĕ Sư oei tơchĕng 'blŏk ling-lang kơ tơdrong noh hei păng dôm tơdrong đe khan lê̆ hơdrol gah kon sư, mă đơ̆ng sơ̆.

Luka 4:16

Klaih kơ noh Yêsu wih tơ Pơlei Nasaret, pơlei Sư kơdih. Lăp truh kơ năr pơdơh Sa'bat Sư năm akŭm tơ hnam 'Bok Kei-Dei pơlei Sư kơdih, yua kơ rim năr pơdơh Sa'bat Sư juăt kơ akŭm ngăl. Lăp truh tơ ei Sư iung wă đŏk kơ đe sơ̆p hla bơar 'Bok Kei-Dei.

Luka 4:31

Klaih kơ noh Yêsu năm tơ Pơlei Kapernum lăm dêh char Galilê ei mơ̆n. Na kơplah năr pơdơh Sa'bat Sư bơtho kon pơlei pơla tơ noh.

Luka 4:35

Na Yêsu khă yang kơnê̆ ei thoi âu: “E 'nĕ pă pơma. E jah lĕch đơ̆ng akâu sư âu wăi.” Na yang kơnê̆ ei hơloh glơ̆m bơngai yang mơ̆t ei 'bơ̆t anăp đe tơpôl, na lĕch jăk hloi đơ̆ng bơngai ei. Na bơngai ei kư̆m huay kơ jĭ ôh.

Luka 6:42

Lơliơ iĕm pơ̆n khan kơ 'nhŏng oh iĕm khan: Lê̆ inh iŏk 'bruih đom lăm klong măt ih, lăm klong măt iĕm kơdih 'long tih oei đom ră mă-lei kơdih iĕm ưh kơ mơn? Ơ bơngai 'bơ̆r đak klak ŭnh, iĕm iŏk tŭk 'long tih đom lăm klong măt iĕm 'mơ̆i wăi, na iĕm gơh 'bôh hơdah iŏk tŭk 'bruih iĕ đom lăm klong măt 'nhŏng oh iĕm.

Yo 4:28

Na duch ei 'măn lê̆ ge đak sư 'bơ̆t ei, na kơdâu wih tơ pơlei roi kơ đe păng pơtơm đe khan:

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.