Luka 4:20 - Sơ̆p Hlabơar Nơ̆r 'Bok Kei-Dei

²⁰ Yêsu đŏk lăng tơdrong noh đang boih na Sư đơ̆p lê̆ hla bơar noh pơdrĕo ăn kơ bơngai wei-lăng lăm hnam akŭm ei. Đơ̆ng noh Sư tơoei wă bơtho thoi đe noh juăt sơ̆, na đĭ-đăng kơ lu bơngai oei lăm hnam akŭm ei pơglăn lăng tơ Sư.

Luka 4:20 Iomraidhean Croise

Mathiơ 26:55

Kơplah noh mơ̆n, Yêsu khan kơ lu bơngai mă năm rôp Sư: “Lơliơ iĕm năm tơ âu chĕp tak đao 'long tơnôn dang lĕ đe rôp bơngai tơtông klĕ? Bĭ rim năr Inh bơtho iĕm tơ lăm hnam akŭm tơm iĕm kuă kơ kiơ kơ rôp Inh tơ noh lĕ?

Mathiơ 27:60

Na sư năm 'măn atâu Yêsu tơ lăm bơsat tơmo mă sư 'nao pơm hiă kơdih. Sư tơgrŏl minh pôm tơnglơ̆p tơmo tih klơ̆p 'măng bơsat, đang boih na sư brŏk.

Luka 19:48

Mă-lei lu sư ưh kơ gơh rôp thoi yơ, yua kơ lu sư hli kơ kon bơngai 'bĕnh-'bang hưch hanh wă mơ̆ng Sư bơtho tơpă.

Luka 4:17

Đe ăn kơ Yêsu sơ̆p hla bơar Êsai, bơngai pơtruh nơ̆r 'Bok Kei-Dei adrol sơ̆. Na Yêsu plơ̆ lăng sơ̆p hla bơar ei 'bơ̆t mă đei chih thoi âu:

Luka 4:21

Na đơ̆ng ei Yêsu khan kơ lu sư: “Tơdrong mă Êsai khan lê̆ hơdrol noh sơ̆, năr âu boih iĕm 'bôh tơdrong noh truh tơpă.”

Luka 5:3

Na Yêsu apinh tŏk thŏng-nan Simôn ei, na Sư athei Simôn wơ̆r thŏng-nan ataih 'biơ̆ kơ đơ̆ng jih đak. Đơ̆ng rŏng kơ noh Yêsu tơoei bơtho lu đe tơpôl ei đơ̆ng thŏng-nan.

Yo 8:2

Na pơgê hrôih dơning Yêsu hơloh năm tơ hnam akŭm 'Bok Kei-Dei tơm tơ Pơlei Jêrusalem. Na đĭ-đăng bơngai tơ ei năm mơ̆ng Sư bơtho, na Sư tơoei bơtho lu đe ei.

Jang 16:13

Truh năr pơdơh nhôn năm tơ jih pơlei ei, cheng đak krong. Tơ ei đei anih đe juăt kơ akŭm krao khan kơ 'Bok Kei-Dei. Na nhôn bơtho lu bơngai drŏ-kăn năm akŭm tơ ei.

Jang 3:12

Pêtrôs 'bôh lu sư năm na khan kơ lu sư: “Ơ khŭl Isơrael, iĕm ưh pơwao kiơ kơ đon, na iĕm lăng 'bloh kơ nhi tơdrong nhi pơklaih bơngai hơwen hơwo âu khan tơdrong mơsêh nhi pơm kơdih yua kơ nhi bơngai 'lơ̆ng? Ưh ôh.