Luka 4:2 - Sơ̆p Hlabơar Nơ̆r 'Bok Kei-Dei

² truh tơ char glă chơngue. Sư oei tơ ei puăn-jĭt năr. Na kơplah puăn-jĭt năr ei đei yang Satan năm pơhlŭ Sư. Kơplah noh Yêsu ưh kơ đei sŏng sa ôh. Lăp truh kơ puăn-jĭt năr ei boih na Sư pơngot.

Luka 4:2 Iomraidhean Croise

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

I Pot 19:8

Na sư iung sa păng nhă, sư đei jơhngơ̆m pran hloi đơ̆ng tơmam sa 'noh, đơ̆ng noh sư năm puăn-jĭt năr puăn-jĭt măng dĭng truh tơ Hôrêp kông Kră Yang 'Bok Kei-Dei.

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Le 24:18

Môis mơ̆t tơ tŏk-bŏk hơmơ̆l, tŏk tơ kơpal kông, oei tơ noh lăm puăn-jĭt năr păng puăn-jĭt măng.

Le 34:28

Môis sư oei hơdai hăm Kră Yang tơ kông noh puăn-jĭt năr puăn-jĭt măng, sư ưh kơ đei sŏng sa kư̆m ưh kơ đei nhă đak, đơ̆ng noh Kră Yang chih tơ 'bar hlak gơ'bang tơmo dôm lu nơ̆r pơgơ̆p, wă khan mơjĭt khôi juăt.

Jôna 3:7

Đơ̆ng rŏng kơ noh pơtao roi tơbăt ăn kơ jơ̆p-jang pơlei Niniwe. 'Nâu nơ̆r pơtă đơ̆ng pơtao păng lu bơngai yŏng pơgơ̆r: Mă kon bơngai dah lu sem dơrong, rơmo dah triu, kư̆m ơ̆t ưh kơ sa kiơ. Ưh kơ ăn kơ lu sư sa, kư̆m ưh kơ nhă đak;

Mathiơ 21:18

Lăp pơgê dơning Yêsu hăm lu bơngai pơhrăm păng Sư năm dơ̆ng tơ Pơlei Jêrusalem na Yêsu pơngot.

Mathiơ 4:2

Yêsu ưh kơ đei sŏng sa puăn-jĭt năr puăn-jĭt măng, na Sư pơngot.

Luka 4:3

Thoi noh na đei yŏng yang kơnê̆, anăn sư Satan pơhlŭ Sư khan: “Dah Ih Kon 'Bok Kei-Dei tơpă Ih kuă kơ kiơ sơkat kơ tơmo âu jing 'bĕng?”

Yo 4:6

Tơ noh đei sơlŭng đak Jakôp sơ̆. Kơplah ei 'năr tŏk-bŏk dơ̆ng, Yêsu yak gleh tơpă yua kơ yak trong ataih. Na Sư pơdơh ngôi 'bơ̆t đak sơlŭng ei.

Both 9:18

Yua kơ lu iĕm pơm kơnê̆, pơm tơdrong yoch tih 'bơ̆t anăp Kră Yang che bơle tơblĕk Sư, na inh drap kơkuh 'bơ̆t anăp Kră Yang lăm puăn-jĭt năr păng puăn-jĭt măng thoi adrol ki, ưh kơ đei sŏng sa păng ưh kơ đei nhă.

Both 9:25

Thoi noh Kră Yang khan Sư wă pơlôch đĭ lu iĕm. Na inh đei drap bon kơkuh 'bơ̆t anăp Kră Yang lăm puăn-jĭt năr păng puăn-jĭt măng boih.

Both 9:9

Kơplah inh năm tŏk tơ kông iŏk 'bar hlak tơmo lat, 'bar hlak tơmo tơdrong pơgơ̆p mă Kră Yang hlôi pơgơ̆p hăm lu iĕm, inh oei tơ kơpal kông puăn-jĭt năr păng puăn-jĭt măng; ưh kơ sŏng sa kư̆m ưh kơ nhă đak;

Hêbrơ 2:18

Yêsu đei tơdrong pơmat, tơdrong pơhlŭ, na Sư mơnat kơ lu bơ̆n dang ei kơplah mă bơ̆n đei tơdrong pơhlŭ.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

I Sam 17:16

Gôliat bơngai Philistin năm lĕch pơgê kơsơ̆, pơjăm linh bơngai Isơrael thoi noh lăm puăn-jĭt năr.