Luka 4:17 - Sơ̆p Hlabơar Nơ̆r 'Bok Kei-Dei

¹⁷ Đe ăn kơ Yêsu sơ̆p hla bơar Êsai, bơngai pơtruh nơ̆r 'Bok Kei-Dei adrol sơ̆. Na Yêsu plơ̆ lăng sơ̆p hla bơar ei 'bơ̆t mă đei chih thoi âu:

Luka 4:17 Iomraidhean Croise

Luka 16:29

Na Abraham khan kơ bơngai mơdrŏng 'nei: ‘Tơ ala teh đe oei bơtho kiơ̆ kơ tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei mơ̆n. Lu 'nhŏng oh ih oei gơh mơ̆ng đe bơtho tơdrong noh mơ̆n.’

Luka 20:42

Mă-lei Đawit khan tơ lăm sơ̆p hla bơar Tơdrong Hơri Sơ̆ thoi âu: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r,

Luka 4:16

Klaih kơ noh Yêsu wih tơ Pơlei Nasaret, pơlei Sư kơdih. Lăp truh kơ năr pơdơh Sa'bat Sư năm akŭm tơ hnam 'Bok Kei-Dei pơlei Sư kơdih, yua kơ rim năr pơdơh Sa'bat Sư juăt kơ akŭm ngăl. Lăp truh tơ ei Sư iung wă đŏk kơ đe sơ̆p hla bơar 'Bok Kei-Dei.

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,

Luka 4:20

Yêsu đŏk lăng tơdrong noh đang boih na Sư đơ̆p lê̆ hla bơar noh pơdrĕo ăn kơ bơngai wei-lăng lăm hnam akŭm ei. Đơ̆ng noh Sư tơoei wă bơtho thoi đe noh juăt sơ̆, na đĭ-đăng kơ lu bơngai oei lăm hnam akŭm ei pơglăn lăng tơ Sư.

Jang 13:15

Đang kơ đe đŏk hla bơar tơdrong juăt 'Bok Kei-Dei pơkă păng tơdrong bơngai pơtruh nơ̆r 'Bok Kei-Dei boih, na lu kră wei-lăng lăm hnam akŭm lu đe Juđê khan kơ bre sư: “Ơ bre 'nhŏng oh, tơdah biĕm đei tơdrong wă bơtho kơ kon pơlei pơla, bơtho bĕ.”

Jang 13:27

Lu bơngai Pơlei Jêrusalem păng lu kră pơgơ̆r bơngai Juđê, lu sư ưh kơ kơnăl kơ Yêsu 'Bok Dŏng Pơklaih ôh. Rim năr pơdơh Sa'bat lu sư kơtơ̆ng đe đŏk sơ̆p hla bơar lu bơngai khan lê̆ hơdrol gah Yêsu sơ̆. Mă-lei lu sư ưh kơ hlôh ôh. Lu sư pơma jâu wă pơlôch Yêsu đĕch, na 'blep thoi lu bơngai khan lê̆ hơdrol sơ̆ tơpă.

Jang 7:42

“Thoi noh na 'Bok Kei-Dei ưh pă wă kơ lu sư dơ̆ng ôh. 'Bok Kei-Dei ăn kơ lu sư kơkuh kơ măt 'năr, măt khei păng lu sơnglŏng tơ plĕnh ti đĕch. 'Noh thoi lu 'bok pơtruh nơ̆r 'Bok Kei-Dei khan: ‘Ơ lu đe Isơrael, iĕm ưh kơ sơmah kơ Inh Kră Yang iĕm 'Bok Kei-Dei kơplah iĕm oei puăn-jĭt sơnăm tơ char glă sơ̆.