Luka 4:12 - Sơ̆p Hlabơar Nơ̆r 'Bok Kei-Dei

¹² Na Yêsu khan kơ yang Satan ei thoi âu: “Ưh ôh. Yua kơ lăm sơ̆p hla bơar 'Bok Kei-Dei đe đei chih khan thoi âu: ‘Iĕm 'nĕ kơ pơlong Kră Yang bơ̆n 'Bok Kei-Dei ôh.’ ”

Luka 4:12 Iomraidhean Croise

Horiso 106:14

Lăm char 'blach jơhngơ̆m lu sư ham rơhing dêh. Păng pơlong lăng Kră Yang 'Bok Kei-Dei tơ lăm bri brah.

Horiso 95:9

Kơplah noh lu 'bok yă iĕm pơlong lăng Inh, lu sư pơlong Inh, Mă 'bôh boih tơdrong jang Inh pơm.

Malachi 3:15

Âu lu bơ̆n jô̆ lu bơngai pơrŏ pơang đei pŭn hiôk, lu sư pơm tơdrong kơnê̆ tă kơ rai tŏk. Lu sư pơlong Kră Yang 'Bok Kei-Dei păng đei klaih hlôi boih!”

Mathiơ 4:7

Na Yêsu khan: “Ưh ôh, yua kơ lăm sơ̆p hla bơar 'Bok Kei-Dei đe đei chih khan thoi âu: ‘Iĕm 'nĕ kơ pơlong Kră Yang bơ̆n 'Bok Kei-Dei ôh.’ ”

Luka 4:13

Lăp yang Satan ei pơhlŭ Yêsu tôm tơdrong boih na 'bơ̆t ei sư weh tơ nai 'mơ̆i.

I Kor 10:9

Bơ̆n 'nĕ pơm pơhloh kơ Kră Yang thoi lu yă 'bok bơ̆n mơ'nah sơ̆, na 'Bok Kei-Dei pơrăm lu sư ăn kơ 'bih choh pơlôch.

Both 6:16

'Nĕ kơ pơlong lăng Kră Yang 'Bok Kei-Dei iĕm, thoi iĕm đei pơlong lăng Sư tơ Masa.