Luka 3:8 - Sơ̆p Hlabơar Nơ̆r 'Bok Kei-Dei

⁸ Iĕm athei tŭk lê̆ đĭ dôm tơdrong kơnê̆ na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih. Iĕm 'nĕ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei Sư gơh pơm kơ tơmo âu jing kon sâu Abraham lei-lăi thoi iĕm mơ̆n.

Luka 3:8 Iomraidhean Croise

Ne 5:11

Inh apinh lu iĕm năr âu hloi, athei pơdrâu bĕ kơ lu sư chŭn mir, pơgar hơmu, pơgar ôliwơ păng hnam lu sư, kư̆m pơdrâu minh lăm mơjĭt gah jên, phe 'ba, sik păng đak rơmă, mă lu iĕm đei pơgŏ đơ̆ng lu sư.

Êsêkiên 33:24

“Ơ kon bơngai, lu bơngai oei lăm char Isơrael juơ tơtŭng âu đei pơma: 'Bok nhôn Abraham lăp minh 'nu sư đei iŏk char 'nâu, mă-lei lu bơ̆n bơngai lơ, sĭt bơ̆n gô iŏk teh char âu wă jang sa.

Mathiơ 21:43

Tơdrong noh gô trŏ kơ lu iĕm na Inh khan kơ iĕm: Iĕm pơm kuă kơ Inh thoi noh, na 'Bok Kei-Dei ưh kơ wă pơm pơtao iĕm ôh. Sư pơm pơtao lu bơngai nai đĕch, lu bơngai nai gô pơm kiơ̆ kơ Sư.

Mathiơ 3:8

Iĕm athei tŭk lê̆ đĭ dôm tơdrong kơnê̆, na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih.

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Luka 13:25

Pơtih gia Inh mă 'Bok tơ'ngla hnam gô tang lê̆ 'măng, na lăp iĕm dơ̆ng dơdŭ 'măng 'bơ̆t 'ngoaih khan: ‘Ơ 'Bok, pơih ăn kơ nhôn 'măng,’ na Inh khan: ‘Inh ưh kơ băt iĕm đơ̆ng yơ.’

Luka 13:26

Na iĕm khan tơwih kơ Inh dơ̆ng: ‘Nhôn bơngai đơ̆ng đêl sŏng sa păng Ih lah. Ih kư̆m bơtho tơ pơlei nhôn.’

Luka 14:9

na tơ'ngla mă wơ̆n iĕm noh hei năm khan kơ iĕm thoi âu: ‘Iĕm ăn kơ 'bok âu oei 'bơ̆t âu 'biơ̆.’ Na đơ̆ng noh iĕm mơlâu tơpă na iĕm oei oăi anih lŭch dơ̆ng kơ đe.

Luka 19:40

Na Yêsu khan tơwih kơ lu sư: “Inh khan kơ iĕm tơpă, dah lu sư thĕng, lei lu tơmo kư̆m gô pơma ư-ang mơ̆n ưh kơ lê̆ ôh.”

Luka 19:9

Yêsu khan kơ sư: “Năr âu 'Bok Kei-Dei pơklaih hnam dơnŏ iĕm boih na ih, mă đe jô̆ thoi noh, ih kư̆m kon sâu Abraham thoi đe noh mơ̆n.

Luka 5:21

Lu thây bơtho tơdrong juăt đe Juđê păng lu bơngai kiơ̆ tơdrong Pharisi kơtơ̆ng Sư pơma thoi noh na lu sư mơmơnh lăm to khan: “Bơngai bu âu pơm pơma blông kơ 'Bok Kei-Dei dêh? Bu mă gơh pơklaih yoch bơ̆n? Pôm 'Bok Kei-Dei đĕch gơh pơklaih yoch bơ̆n.”

Yo 8:33

Na lu bơngai kiơ̆ ei khan kơ Yêsu: “Nhôn kon sâu Abraham. Nhôn ưh kơ lah đĭch đe. Lơliơ Ih khan: ‘Iĕm gô rơngei’?”

Yo 8:39

Lu sư khan kơ Yêsu: “Abraham boih 'bă nhôn.” Yêsu khan kơ lu sư: “Dah iĕm kon Abraham tơpă lei iĕm pơm kiơ̆ thoi sư pơm.

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Rom 4:16

'Bok Kei-Dei pơkă khan wă ăn kơ lu kon sâu Abraham pơgơ̆r jơ̆p kơ teh đak. Tơdrong Sư pơkă noh, Sư wă ăn kơ bơngai bu mă lui kơ Sư; yua kơ Sư mơnat, na Sư ăn. Lu bơngai Juđê mă adrin kiơ̆ tơdrong juăt Sư pơkă, wă khan lu bơngai mă gơnang kơ Sư hăm đĭ jơhngơ̆m, lu bơngai noh Sư ăn. Mă-lei ưh kơ sĭ Sư ăn pôm lu đe noh đĕch ôh. Sư ăn kơ đĭ-đăng hăm lu bơngai tơmoi hai, wă khan lu bơngai mă lui 'blep trŏ thoi 'bok bơ̆n Abraham sơ̆. Thoi noh na Abraham boih pơm 'bok kơdră 'bă tơm đĭ-đăng kơ lu bơ̆n sơ̆.

Rom 9:7

'Bok Kei-Dei ưh kơ jô̆ đĭ-đăng lu kon sâu Abraham khan kon sâu Abraham ngăl ôh. Yua kơ 'Bok Kei-Dei khan kơ Abraham sơ̆ thoi âu: “Lu kon sâu ih mă lĕch đơ̆ng kon ih Isăk noh Inh jô̆ khan kon sâu ih.”

Philip 1:11

Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.