Luka 3:7 - Sơ̆p Hlabơar Nơ̆r 'Bok Kei-Dei

⁷ Na Yôhan khan kơ lu bơngai tơpôl wă năm iŏk 'batem ei thoi âu: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh na iĕm mah năm tơ âu wă iŏk 'batem đĕch khan gô klaih đơ̆ng tơdrong phak noh hă?

Luka 3:7 Iomraidhean Croise

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

Êsai 59:5

Lu sư pơ'nơ̆m kơtăp 'bih, tanh hăm wai dŭng; bơngai bu sa lu kơtăp 'noh gô lôch. Tơdah kơtăp noh pơchah sư gô cheh jing 'bih đei bih hơkăm.

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

Mathiơ 23:33

Iĕm pơm thoi lĕ kơ klăn tih 'bih tur makkang, ning-mônh 'Bok Kei-Dei phak iĕm lăm dơnâu ŭnh tơpă.

Mathiơ 3:6

Lu sư roi tơdrong yoch lu sư kơ 'Bok Kei-Dei, na Yôhan pơm kơ lu sư 'batem tơ krong Jôrđăn.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

I Tes 1:10

Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

I Yo 3:8

Bơngai bu oei pơm yoch khŏm khŏm, bơngai 'noh oei kiơ̆ yang Satan đĕch, kơlih kơ yang Satan pơm yoch đơ̆ng tơm hmơm sơ̆. Kon 'Bok Kei-Dei jur tơ ala teh âu sơ̆ wă pơrăm dôm tơdrong yang Satan pơm.