Luka 3:23 - Sơ̆p Hlabơar Nơ̆r 'Bok Kei-Dei

²³ Kơplah Yêsu pơtơm wă jang tơdrong Sư, kơplah noh Sư dang pêng-jĭt sơnăm. Đe ngêh kơ Yêsu kon Yôsep. Yêsu kon sâu Hêli.

Luka 3:23 Iomraidhean Croise

Bl 41:46

Jôsep pơtơm jang hăm Pharaôn, pơtao Êyiptơ, kơplah noh sư đei pêng-jĭt sơnăm boih. Thoi noh, sư đơ̆ng hnam pơtao Pharaôn sư chă năm dăr tơ jơ̆p kơ dêh char Êyiptơ.

II Sam 5:4

Kơplah Đawit pơm pơtao, sư 'nao pêng-jĭt sơnăm păng sư pơgơ̆r lăm puăn-jĭt sơnăm.

Jo 4:3

Iŏk đơ̆ng pêng-jĭt sơnăm tơ kơpal truh tơ pơđăm-jĭt sơnăm, wă khan đĭ-đăng bơngai bu mă gơh jang tơgŭm lăm Bơsŭn Anih Akŭm.

Jo 4:35

iŏk đơ̆ng pêng-jĭt sơnăm truh tơ pơđăm-jĭt sơnăm, wă khan đĭ-đăng bơngai mă gơh bơ̆jang tơ Bơsŭn Anih Akŭm;

Jo 4:39

Iŏk đơ̆ng pêng-jĭt sơnăm tơ kơpal truh tơ pơđăm-jĭt, wă khan đĭ-đăng lu kon drŏ-nglo mă gơh bơ̆jang tơ Bơsŭn Anih Akŭm,

Jo 4:43

iŏk đơ̆ng pêng-jĭt sơnăm tơ kơpal truh tơ pơđăm-jĭt, kiơ̆ adrĕch hnam dơnŏ 'bă lu sư wă khan lu kon drŏ-nglo mă gơh bơ̆jang lăm Anih Akŭm,

Jo 4:47

iŏk đơ̆ng pêng-jĭt sơnăm truh tơ pơđăm-jĭt sơnăm, wă khan lu bơngai mă wă bơ̆jang lăm Bơsŭn Anih Akŭm, tung lu tơmam yua lăm noh.

Mathiơ 1:1

Yêsu Krist kon sâu pơtao Đawit, mă 'bok kơdră lu sư Abraham. Na tơ ala âu jô̆ tôm lu anăn 'bok kơdră Yêsu Krist sơ̆:

Mathiơ 1:16

Jakôp pơjing Yôsep, Yôsep klo Mari. Mari pơjing Yêsu, mă đe anăn Krist. Yêsu Krist âu boih bơngai mă 'Bok Kei-Dei ăn wă pơm pơtao bơ̆n.

Mathiơ 1:6

Jesê âu boih pơjing pơtao Đawit. Akăn Đawit đơ̆ng akăn Uri sơ̆ bre sư Đawit pơjing Sôlômôn.

Mathiơ 13:55

Sư kon 'bok ot 'long đĕch lah, mĕ Sư Mari păng lu oh Sư Yakơ, Yôsep, Simôn, Jut.

Mathiơ 4:17

Đơ̆ng năr noh boih Yêsu pơtơm jang tơdrong Sư, Sư bơtho đe thoi âu: “Iĕm athei tơbral kơdih tôm tơdrong yoch, yua kơ 'Bok Kei-Dei wă pơgơ̆r iĕm boih.”

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Luka 2:48

Lăp mĕ 'bă Yêsu 'bôh Sư tơ noh na bre sư chrêu kơ đon, na mĕ Sư khan kơ Sư thoi âu: “Ơ dăm, yua kơ kiơ Ih pơm kơ nhi thoi âu? Nhi 'bă Ih chă Ih tôch đon hli kơ Ih hiong.”

Luka 3:31

Mêlêa kon Menna. Menna kon Mattatha. Mattatha kon Nathan. Nathan kon Đawit.

Luka 4:22

Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 6:42

Lu sư khan: “Bơngai âu ưh kơ trŏ Yêsu ôh hă, mă kon Yôsep? Bơ̆n băt kơ mĕ 'bă Sư. Mă-lei liơ Sư khan: ‘Inh jur đơ̆ng plĕnh?’ ”

Jang 1:1

Ơ Theophil, lăm hla bơar mă mônh hơdrol sơ̆, inh chih ră roi kơ ih tôm tơdrong Yêsu pơm păng 'bơ̆r Sư bơtho,