Luka 3:14 - Sơ̆p Hlabơar Nơ̆r 'Bok Kei-Dei

¹⁴ Lu linh kư̆m jet sư mơ̆n: “Bĭ gah nhôn, ih wă kơ nhôn pơm thoi yơ?” Na Yôhan khan kơ sư: “'Nĕ pơgŏ iŏk tơmam đe, 'nĕ jâu ngơ̆r wă sa tơmam đe păng 'nĕ kơ mơmơnh kơ jên khei iĕm đei.”

Luka 3:14 Iomraidhean Croise

Le 20:16

'Nĕ pơm kơdranh hơlĕnh kơ bôl buăl.

Le 23:1

Ih 'nĕ kơ chă roi hơlĕnh, kư̆m 'nĕ kơ pôm đon kiơ̆ lu bơngai kơnê̆ wă roi hơlĕnh.

Lêwi 19:11

Lu iĕm kư̆m 'nĕ kơ tơtông, kư̆m 'nĕ kơ pơhlŭ hơlĕnh 'nĕ kơ chă plêl pơdăr kơ đe.

Mathiơ 8:5

Yêsu năm tơ Pơlei Kapernum. Tơ ei đei minh 'nu 'bok tih linh sư bơngai Rôm, chă Yêsu. Lăp 'bôh boih na sư apinh thoi âu:

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Luka 3:10

Na lu bơngai tơpôl ei jet Yôhan: “Lei ih wă kơ nhôn pơm thoi yơ?”

Luka 3:13

Na sư khan: “Iĕm 'nĕ pơlơ̆m sa jên đe.”

Jang 10:7

Đơ̆ng rŏng kơ linh jang 'lơ̆ng brŏk, 'bok Kôrnei krao 'bar 'nu bơngai jang kơ sư păng minh 'nu linh juăt awih awăn păng sư. Linh ei kư̆m lui kơ 'Bok Kei-Dei mơ̆n.

Philip 2:15

thoi noh đe anăn kon 'Bok Kei-Dei, adrin pơm 'lơ̆ng ling-lang, na huay kơ đei tơdrong yoch, mă khan iĕm oei tŏk-bŏk lu bơngai kơnê̆, lu bơngai hơlĕnh pơdăr, lu bơngai dang lĕ kơ oei lăm măng mu na lu sư gơh pơm dôm tơdrong 'noh. Gah iĕm hlôh wao tôm tơdrong boih, thoi lĕ kơ hơdah ŭnh, na iĕm athei pơchrang ăn tơdrong hơdah iĕm kơ lu sư kơplah oei tơ teh âu.

Philip 4:11

Inh pơma kơ iĕm thoi noh ưh kơ sĭ inh jơ̆l kơ tơmam ưh kơ mah wă kơ iĕm tơgŭm inh ôh. Inh tơ'bơ̆p tơdrong thoi yơ kư̆m bưh jơhngơ̆m inh oei hiôk lei-lăi. Tơdrong noh 'Bok Kei-Dei bơtho inh băt tôm boih.

Tit 2:3

Păng ih bơtho khan kơ lu yă kră athei sư iŏk đon tơpăt, khă lu sư 'nĕ pă bâu roi đe, 'nĕ kơ et sik suai. Păng athei lu sư bơtho lu drŏ-kăn oei moh mă trŏ wă kơ lu sư 'mêm mơnat kơ lu kon klo sư.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.