Luka 3:1 - Sơ̆p Hlabơar Nơ̆r 'Bok Kei-Dei

^1-2 'Bok Kei-Dei tơbăt kơ Yôhan mă kon Sachari nơ̆r Sư tơ char glă sơ̆. Kơplah noh sơ̆ 'bok Tiberi pơm pơtao tơm lu bơngai Rôm đei mơjĭt-pơđăm sơnăm boih. Bonsơ Pilat pơgơ̆r dêh char Juđê, na Hêrôt pơgơ̆r dêh char Galilê. Đơ̆ng noh dơ̆ng 'bok Philip, oh Hêrôt, sư pơgơ̆r dêh char Itur păng dêh char Trachônit. Na 'bok Lisan pơgơ̆r dêh char Abilen. Kơplah ei sơ̆ 'bok Ana păng 'bok Kaiphe oei pơm 'bok soi tơm đe Juđê.

Luka 3:1 Iomraidhean Croise

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Mathiơ 14:1

Kơplah noh pơtao Hêrôt kơtơ̆ng ang tơdrong mơsêh Yêsu. Pơtao Hêrôt kơplah noh sư pơgơ̆r dêh Galilê.

Mathiơ 14:3

Sơ̆ pơtao Hêrôt wơh đe năm rôp chô̆ Yôhan tah tơ lăm hnam phak, yua kơ minh 'nu duch anăn sư Hêrôđia wă kơ thoi noh. Duch Hêrôđia ei akăn oh pơtao Hêrôt, anăn sư Philip. Mă-lei 'nhŏng sư Hêrôt tơgar iŏk akăn oh sư.

Mathiơ 14:6

Lăp trŏ năr đe tơpŭ kơ Hêrôt, đe sa et pơrŏ na kon adruh duch Hêrôđia mơ̆t suang tơ anih đe et sa, na pơtao Hêrôt lăp đon dêh.

Mathiơ 22:17

Na nhôn wă jet Ih, Ih tơchĕng thoi yơ kiơ̆ kơ tơdrong juăt bơngai Juđê bơ̆n? Bơ̆n hăm gơh ăn jên thuê̆ kơ Sêsar pơtao đe Rôm mă pơgơ̆r bơ̆n dah ưh?”

Mathiơ 27:2

Lu sư chô̆ Yêsu năm jao ăn kơ Pilat, bơngai Rôm mă pơgơ̆r dêh Juđê.

Markôs 6:17

Sơ̆ pơtao Hêrôt wơh đe năm rôp Yôhan tah lăm hnam phak tơpă, yua kơ minh 'nu duch anăn sư Hêrôđia wă kơ thoi noh. Duch Hêrôđia ei akăn oh Hêrôt, anăn sư Philip. Mă-lei 'nhŏng sư Hêrôt tơgar iŏk akăn oh sư.

Markôs 6:21

Lăm minh năr ei lăp kơ jơhngơ̆m duch Hêrôđia wă pơlôch Yôhan, năr ei sa et trŏ kơ năr Hêrôt tơpŭ. Na pơtao Hêrôt krao wơ̆n lu 'bok kuan tih, lu 'bok tih linh păng lu kră mơdrŏng.

Luka 13:31

Kơplah Yêsu oei bơtho 'bơ̆t ei đei lu bơngai Pharisi năm tơ Sư păng khan: “Ih athei weh tơ nai yua kơ Hêrôt wă chă pơlôch Ih.”

Luka 2:1

Lăm sơnăm noh 'bok pơtao tơm đe Rôm, anăn sư Ôgut, chih hla bơar athei đe chă chih măt rim kon bơngai jơ̆p kơ tơring sư pơgơ̆r.

Luka 23:24

Thoi noh na Pilat jing chu ăn kơ lu sư pơ̆ng pơlôch Yêsu tơ 'long pơglang.

Luka 3:19

Yôhan khă pơtao Hêrôt yua kơ sư tơgar iŏk Hêrôđia, akăn oh sư păng Hêrôt kư̆m pơm lơ tơdrong kơnê̆ nai dơ̆ng.

Luka 9:7

Pơtao Hêrôt kơtơ̆ng dôm tơdrong mă Yêsu pơm na sư hơwơ̆l kơ Yêsu, ưh kơ băt Sư bu, yua kơ lu bơngai mơ'nah khan Yêsu Yôhan mă pơm kơ đe 'batem ki, khan sư lôch iung arih.

Jang 23:26

“Anăn inh Klôt Lisia chih kơthơ âu kơ 'bok kuan tih Phêlik. Hmach kơ ih 'bok.

Jang 24:27

Đơ̆ng rŏng kơ noh 'bar sơnăm Phêtus tơplih Phêlik pơm kuan tih. Phêlik wă kơ lu bơngai Juđê lăp đon kơ sư, na sư ưh kơ tơlĕch Pôl đơ̆ng hnam phak.

Jang 26:30

Đang kơ Pôl pơma thoi noh na pơtao Agripa, yă Bêrênis, hăm 'bok kuan tih Phêtus păng đĭ-đăng lu bơngai lăm ei iung na lĕch hloi đơ̆ng hnam ei. Lu sư pơma tơkhan dih băl: “Bơngai âu ưh kơ đei pơm tơdrong kiơ mă wă pơlôch sư dah tah sư lăm hnam phak ôh iih?”

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.