Luka 24:6 - Sơ̆p Hlabơar Nơ̆r 'Bok Kei-Dei

⁶ Sư ưh pă oei tơ âu boih yua kơ Sư iung arih đơ̆ng lôch boih. Na iĕm hăm 'blŏk kơ tơdrong Sư bơtho iĕm tơ dêh Galilê ki ưh?

Luka 24:6 Iomraidhean Croise

Mathiơ 12:40

Jôna sơ̆ sư oei lăm klak ka tih pêng măng pêng năr, na Inh Kon Bơngai gô oei lăm trôm teh pêng măng pêng năr kư̆m thoi noh mơ̆n.

Mathiơ 16:21

Đơ̆ng năr noh boih Yêsu mă đe anăn 'Bok Krist, Sư roi kơ lu bơngai pơhrăm păng Sư khan: “Inh chu năm tơ Pơlei Jêrusalem, tơ ei kơnh lu đe kră sek tơlang, lu 'bok soi tih păng lu thây bơtho tơdrong juăt đe Juđê gô pơm kơ Inh lơ tơdrong kơnê̆ păng pơlôch hloi Inh. Mă-lei kơtĕch pêng năr đơ̆ng rŏng 'Bok Kei-Dei gô tơiung arih Inh dơ̆ng.”

Mathiơ 27:63

Lu sư khan kơ Pilat: “Ơ 'bok, nhôn 'blŏk kơ bơngai hơlĕnh noh hơtai Sư oei arih Sư khan thoi âu: ‘Pêng năr đơ̆ng rŏng kơ Inh lôch, Inh gô iung arih dơ̆ng.’

Mathiơ 28:6

Dang ei Sư ưh pă oei tơ âu boih yua kơ Sư iung arih thoi Sư khan hmă. Tơ̆ng biĕm ưh kơ lui apinh biĕm năm lăng anih đêl đe tơ'bĭch Sư âu.

Markôs 16:6

Tơdăm ei khan kơ lu sư: “Iĕm 'nĕ kơ hli. Iĕm chă Yêsu Pơlei Nasaret mă đe pơ̆ng pơlôch tơ 'long pơglang. Sư iung arih đơ̆ng lôch boih, Sư ưh pă oei tơ âu. Tơ̆ng iĕm ưh kơ lui apinh iĕm lăng anih đêl đe tơ'bĭch Sư âu.

Markôs 8:31

Na Yêsu khan kơ lu sư: “Inh Kon Bơngai gô đei tơdrong pơmat-tat. Lu đe kră sek tơlang, lu đe 'bok soi tih, lu 'bok thây bơtho tơdrong juăt đe Juđê kuă chu yom kơ Inh na athei đe pơlôch Inh. Mă-lei kơtĕch pêng năr đơ̆ng rŏng Inh gô iung arih dơ̆ng.”

Luka 24:34

Na lu bôl sư roi kơ bre sư khan: “Kră Yang bơ̆n Yêsu iung arih tơpă boih, Simôn 'nao 'bôh Sư hei.”

Luka 24:5

Lu drŏ-kăn ei hli dêh tơpă na lu sư bon tơ teh. Na bre linh jang 'lơ̆ng ei khan kơ lu sư thoi âu: “Yua kơ kiơ iĕm chă bơngai arih tơ anih đe lôch?

Luka 9:22

Na Sư khan dơ̆ng: “Inh Kon Bơngai gô đei tơdrong pơmat-tat. Lu đe kră dêh char Juđê, lu đe 'bok soi tih, lu thây bơtho tơdrong juăt đe Juđê kuă chu yom kơ Inh na athei đe pơlôch Inh. Mă-lei kơtĕch kơ pêng năr đơ̆ng rŏng kơnh 'Bok Kei-Dei gô tơiung arih Inh dơ̆ng.”

Luka 9:44

“Inh wă kơ iĕm tơguăt lăm đon tơdrong âu: Đe gô rôp pơjao Inh Kon Bơngai tơ ti kon bơngai tơ ala teh âu.”

Jang 2:24

Mă-lei 'Bok Kei-Dei kuă ăn Sư lôch răm na pơklaih Sư đơ̆ng tơdrong 'noh, ăn Sư iung arih dơ̆ng, yua kơ Sư ưh kơ đei lôch ling-lang ôh. Đe ưh kơ gơh rôp pơkơ̆ng Sư lăm tơdrong lôch ôh.

II Tes 2:5

Âu Pôl oei chih bơtho: Iĕm hăm oei 'blŏk dah ưh, kơplah inh oei hơdai hăm lu iĕm ki inh bơtho thoi noh mơ̆n?