Luka 24:48 - Sơ̆p Hlabơar Nơ̆r 'Bok Kei-Dei

⁴⁸ Lu iĕm 'bôh Inh iung arih đơ̆ng lôch hăm 'bôh dôm tơdrong Inh pơm đơ̆ng sơ̆, na wă kơ iĕm năm roi kơ đe tơdrong Inh dơ̆ng.

Luka 24:48 Iomraidhean Croise

Yo 15:27

Mă lu iĕm kư̆m bơtho tơdrong Inh mơ̆n, kơlih kơ iĕm oei hơdai hăm Inh đơ̆ng tơm hmơm sơ̆ boih.

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 10:39

Nhôn kư̆m 'bôh mơ̆n đĭ tơdrong Sư pơm tơ dêh đe Juđê păng tơ Pơlei Jêrusalem. Đe pơ̆ng pơlôch Sư tơ 'long pơglang.

Jang 10:41

Mă-lei Sư ưh kơ tơ'bôh akâu Sư kơ đĭ kon pơlei pơla ôh. Sư tơ'bôh akâu Sư kơ lu bơngai Sư rơih hơdrol wă pơm kơdranh kơ Sư iung arih boih. Sư tơ'bôh akâu Sư kơ nhôn. Nhôn sŏng sa hơdai păng Sư đơ̆ng rŏng kơ Sư iung arih.

Jang 13:31

Na Yêsu tơ'bôh akâu Sư tơ lu buăl Sư đunh năr mơ̆n. Lu buăl Sư ei năm hơdai juăt păng Yêsu ling-lang hơdrol kơ Sư tam mă lôch sơ̆, đơ̆ng dêh char Galilê truh tơ Pơlei Jêrusalem. Na dang ei lu buăl Sư ei bơtho tơdrong Yêsu kơ lu bơngai Isơrael.

Jang 2:32

“Bơngai Yêsu mă nhôn bơtho âu, 'Bok Kei-Dei tơiung arih Sư đơ̆ng lôch boih. Nhôn 'bôh Sư iung arih tơpă.

Jang 22:15

Sư rơih ih wă kơ ih ră roi kơ đĭ-đăng bơngai gah tơdrong ih 'bôh Yêsu boih, hăm tơdrong ih kơtơ̆ng nơ̆r Sư pơma.

Jang 3:15

iĕm pơlôch Yêsu bơngai mă gơh ăn kơ bơ̆n arih ling-lang. Mă-lei 'Bok Kei-Dei tơiung arih Sư boih. Nhôn kư̆m 'bôh Sư arih boih tơpă.

Jang 4:33

Lu bơngai jơ̆ng 'bang Yêsu roi kơ đe lu sư 'bôh Yêsu iung arih boih. Lu sư kư̆m gơh pơm tơdrong mơsêh mơyang mơ̆n đơ̆ng Yêsu ăn kơ lu sư gơh tơgŭm đe. Păng 'Bok Kei-Dei kư̆m tơgŭm lu sư lăm tôm tơdrong mơ̆n.

Jang 5:32

Nhôn 'bôh tơpă lu tơdrong noh na roi kơ iĕm. Yang Bơhngol 'Lơ̆ng kư̆m tơbăt ăn kơ nhôn tơdrong noh mơ̆n yua kơ 'Bok Kei-Dei ăn Yang Bơhngol 'Lơ̆ng kơ đĭ-đăng bơngai chu lui kơ Sư.”

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu: