Luka 24:44 - Sơ̆p Hlabơar Nơ̆r 'Bok Kei-Dei

⁴⁴ Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Luka 24:44 Iomraidhean Croise

Bl 14:18

Mêlkisêdek pơtao Salem, athei ba 'bĕng păng tơdrô, kơplah noh pơtao âu jơ̆ 'Bok soi kơ Kră Yang 'Bok Kei-Dei mă tih hloh.

Bl 22:18

Yua kơ ih chu yom kơ nơ̆r Inh athei, na kon pơlei pơla lăm teh âu yua kơ đơ̆ng ih gô đei pŭn hiôk.”

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Horiso 118:22

Tơmo mă thơ̆ mam hnam hŭt lê̆, jing tơmo man 'bơ̆t mum hnam

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Êsai 52:13

Âu, đĭch đam Inh gô pơm hăm tơdrong gơh hơgei; đe gô pơư, tơiung pơyom, đe gô pôk hơtŏk.

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Je 33:14

Kră Yang khan: “Đơ̆ng âu tơ anăp, Inh gô pơsĭt nơ̆r Inh pơkă 'lơ̆ng rŏ mă Inh đei pơkă hăm adrĕch Isơrael păng adrĕch Juđa.”

Êsêkiên 17:22

'Nâu nơ̆r Kră Yang Tih Hloh khan: Inh gô iŏk kơnhŏng tơmơ̆ng 'long hơngo gô pơtăm sư. Inh gô gơ̆ iŏk tơmơ̆ng păng Inh gô pơtăm 'long noh kơpal kông kơjung.

Êsêkiên 34:23

Inh gô ăn đei minh 'nu bơngai wei rong lu sư; bơngai wei lu sư noh Đawit, đĭch đam Inh. Sư boih bơngai rong lu sư.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Da 7:13

Inh kư̆m lăng dôm tơdrong inh đei apo 'bôh kơmăng noh. 'Nâu, inh 'bôh dơ̆ng minh 'nu Yang thoi kon bơngai jur hăm hơmơ̆l đơ̆ng plĕnh; Sư truh tơ 'Bok Arih đơ̆ng sơ̆ păng đe ba sư 'bơ̆t anăp 'Bok Arih đơ̆ng sơ̆.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Am 9:11

“Lăm năr noh, inh gô tơiung pơdơ̆ng bơsŭn Đawit, mă đêl păk boih păng hơmet ming lu bơlôh hiah sư. Inh gô pơdơ̆ng ming lu đêl pơchah păng man ming thoi sơ̆,

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Sa 14:4

Lăm năr noh; jơ̆ng Sư gô dơ̆ng kơpal kông ôliwơ, kông mă tơklă Jêrusalem gah hơlĕch; păng kông ôliwơ gô pơchah tŏk-bŏk, minh pah gah hơlĕch, minh pah gah bơmơ̆t, dĭng mah jing minh pôm thong jrŭ să; minh puăt kông noh hiŏng tơ gah gơal, minh puăt hiŏng gah yă-nơ̆m.

Sa 6:12

Khan bĕ kơ sư, Kră Yang Tih hloh khan: ‘'Nâu, đei minh 'nu anăn dơ̆ng, sư gô chăt đơ̆ng ih păng bơngai noh gô pơjing hnam kơkuh kơ Kră Yang.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Jo 21:8

Kră Yang khan kơ Môis thoi âu: Ih athei pơm minh dăng rup 'bih tang, na ih tơ'băk sư tơ tơ̆r 'long gơgiĕr. Tơdah bơngai bu 'bih choh sư athei lăng tơ 'bih noh, sư gô arih.

Jo 35:25

Khŭl tơpôl kon pơlei athei dŏng tơgŭm pơklaih lu bơngai mă pơlôch đe đơ̆ng ti lu bơngai wă iung kơting păng athei bơngai noh brŏk tơ pơlei tih ôn kơ'nơp, tơ anih mă sư đei kơdâu ôn akâu; păng bơngai noh athei oei tơ noh hloi dĭng truh tơ năr 'bok soi tơm mă đe đei tuh đak rơmă tơ kơ̆l sư noh lôch 'mơ̆i.

Mathiơ 1:22

Dôm tơdrong 'noh 'blep trŏ thoi 'Bok Kei-Dei ăn kơ minh 'nu bơngai khan lê̆ hơdrol sơ̆ thoi âu:

Mathiơ 16:21

Đơ̆ng năr noh boih Yêsu mă đe anăn 'Bok Krist, Sư roi kơ lu bơngai pơhrăm păng Sư khan: “Inh chu năm tơ Pơlei Jêrusalem, tơ ei kơnh lu đe kră sek tơlang, lu 'bok soi tih păng lu thây bơtho tơdrong juăt đe Juđê gô pơm kơ Inh lơ tơdrong kơnê̆ păng pơlôch hloi Inh. Mă-lei kơtĕch pêng năr đơ̆ng rŏng 'Bok Kei-Dei gô tơiung arih Inh dơ̆ng.”

Mathiơ 26:54

Mă-lei sơ̆p hla bơar 'Bok Kei-Dei khan Inh gô lôch tang kon bơngai, na thoi yơ Inh gơh apinh 'Bă Inh dŏng bơ̆n thoi noh?”

Mathiơ 26:56

Mă-lei dôm tơdrong noh 'Bok Kei-Dei ăn wă kơ 'blep kơ tơdrong lu bơngai pơtruh nơ̆r Sư chih roi lê̆ hơdrol tơ sơ̆p hla bơar Sư sơ̆.” Đang Sư pơma thoi noh bru đĭ-đăng lu bơngai pơhrăm păng Sư achăng lê̆ Sư kơdâu jăk tơ nai.

Markôs 9:31

kơlih kơ Sư bơtho lu bơngai pơhrăm păng Sư khan: “Đe gô rôp pơjao Inh Kon Bơngai tơ ti kon bơngai tơ ala teh âu. Lu đe ei boih pơlôch Inh. Lăp đe pơlôch Inh boih, kơtĕch pêng năr đơ̆ng rŏng Inh iung arih dơ̆ng.”

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Luka 22:37

Sơ̆p hla bơar 'Bok Kei-Dei khan sơ̆ thoi âu: Đe jô̆ kơ Inh bơngai yoch trŏ kơ pơlôch. Na bơ̆n gô 'bôh đe jô̆ kơ Inh thoi noh tơpă. Na dôm tơdrong đe chih lê̆ hơdrol sơ̆ gah Inh bơ̆n gô 'bôh tôm tơpă.”

Luka 24:46

Yêsu khan kơ lu sư: “Tơdrong đe chih lê̆ hơdrol noh sơ̆ thoi âu: 'Bok Krist gô đei tơdrong pơmat-tat na lôch, kơtĕch pêng năr Sư iung arih dơ̆ng.

Luka 9:22

Na Sư khan dơ̆ng: “Inh Kon Bơngai gô đei tơdrong pơmat-tat. Lu đe kră dêh char Juđê, lu đe 'bok soi tih, lu thây bơtho tơdrong juăt đe Juđê kuă chu yom kơ Inh na athei đe pơlôch Inh. Mă-lei kơtĕch kơ pêng năr đơ̆ng rŏng kơnh 'Bok Kei-Dei gô tơiung arih Inh dơ̆ng.”

Luka 9:44

“Inh wă kơ iĕm tơguăt lăm đon tơdrong âu: Đe gô rôp pơjao Inh Kon Bơngai tơ ti kon bơngai tơ ala teh âu.”

Yo 3:14

“Na tơ char glă sơ̆ ki sơ̆ kach Môis pơm minh dăng 'bih păng mam kong, sư tơ'băk 'bih ei kơpal 'long wă kơ đe lăng 'bih ei na huay kơ lôch đơ̆ng 'bih choh. Kư̆m thoi noh mơ̆n đe gô atŏk Inh Kon Bơngai tơ 'long pơglang tơpă ning-mônh.

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Yo 5:46

Dah iĕm lui kơ nơ̆r Môis tơpă, noh iĕm kư̆m wă lui kơ Inh mơ̆n, kơlih kơ sư chih roi tơdrong Inh.

Jang 13:40

Na iĕm kơchăng bĕ, hli kơ nơ̆r bơngai khan lê̆ hơdrol gô 'blep kơ iĕm tơpă. Sư khan thoi âu sơ̆:

Jang 2:27

kơlih kơ Ih ưh kơ đei achăng tŭk Inh lăm anih bơngai lôch ôh, Ih kư̆m ưh kơ ăn Kon 'Lơ̆ng Ih lôch ôm ôh.

Jang 3:18

Mă-lei tơdrong noh trŏ kơ 'Bok Kei-Dei pơkă sơ̆. 'Bok Kei-Dei yua đĭ-đăng lu bơngai khan lê̆ hơdrol sơ̆ pơkă 'Bok Krist gô lôch pơmat.

Jang 7:37

Môis kư̆m khan kơ đe Isơrael thoi âu: ‘'Bok Kei-Dei gô ăn kơ iĕm minh 'nu bơngai đơ̆ng khŭl bơ̆n wă pơtruh nơ̆r Sư kư̆m thoi inh mơ̆n.’

Hêbrơ 10:1

Tơdrong juăt 'Bok Kei-Dei pơkă sơ̆, wă pơtih gia kơ dôm tơdrong hiôk 'lơ̆ng wă truh đơ̆ng rŏng. Mă-lei tơdrong juăt noh sơ̆ ưh kơ lei-lăi thoi tơdrong mă wă truh noh ôh. Thoi noh na lu bơngai mă kiơ̆ tơdrong juăt so noh, lu sư oei gơnang kơ tơdrong soi sơmah ling-lang rim sơnăm oei hơnơ̆ng thoi đêl. Pơm thoi noh lu sư ưh kơ jing bơngai 'lơ̆ng hăm 'Bok Kei-Dei ôh.

Hêbrơ 3:5

Môis sư pơm đĭch đam 'Bok Kei-Dei jang tơgŭm kơ đĭ-đăng hnam dơnŏ 'Bok Kei-Dei sơ̆. Sư jang tơnen dêh, sư jang kiơ̆ kơ 'Bok Kei-Dei pơkă hloi. Sư 'bok khan lê̆ hơdrol bơtho tơbăt kơ kon bơngai gah tơdrong ning-mônh.

Hêbrơ 7:1

'Bok soi Mêlkisêdek sư pơm pơtao Pơlei Salem, sư kư̆m pơm 'bok soi wă soi kơ 'Bok Kei-Dei Kră Yang Tih Hloh. Sư năm sơng iŏk Abraham brŏk đơ̆ng tơblah kơ lu pơtao nai. Na sư krao khan apinh 'Bok Kei-Dei tơgŭm Abraham.

Hêbrơ 9:8

Tơdrong noh Yang Bơhngol 'Lơ̆ng Sư bơtho kơ bơ̆n wă kơ bơ̆n băt, sơ̆ bơ̆n ưh kơ gơh mơ̆t kơkuh 'bơ̆t anăp 'Bok Kei-Dei tơ anih giĕng tih.

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”