Luka 24:36 - Sơ̆p Hlabơar Nơ̆r 'Bok Kei-Dei

³⁶ Kơplah bre sư oei roi tơdrong noh hei ră 'bôh blư kơ Yêsu dơ̆ng hơdai lu sư. Na Yêsu khan: “Oei hiôk bĕ lu iĕm.”

Luka 24:36 Iomraidhean Croise

Êsai 57:18

Inh 'bôh trong lu sư, mă-lei Inh gô pơklaih gô dui ba hăm nơ̆r pơlung,

Mathiơ 10:13

Dah bơngai lăm hnam ei bơngai 'lơ̆ng tơpă, lei iĕm apinh 'Bok Kei-Dei ăn kơ hnam noh chơt hiôk khŏm khŏm; dah ưh, iĕm lê̆.

Markôs 16:14

Đơ̆ng rŏng kơ noh Sư tơ'bôh dơ̆ng akâu Sư kơ mơjĭt-mônh 'nu bơngai pơhrăm păng Sư kơplah lu sư oei sŏng sa. Na Sư lach kơ lu sư, kơlih kơ lu sư ưh kơ lui păng arăng kơ̆l, yua kơ lu sư ưh kơ lui kơ bơngai mă 'bôh Yêsu đơ̆ng rŏng kơ Sư iung arih đơ̆ng lôch.

Luka 10:5

Lăp wă mơ̆t tơ hnam đe, iĕm khan: ‘'Bok Kei-Dei ăn kơ hnam iĕm chơt hiôk.’

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Yo 20:26

Minh 'măng giĕng đơ̆ng rŏng kơ năr 'noh, lu bơngai pơhrăm păng Yêsu năm akŭm lăm hnam dơ̆ng. Thôm sư kư̆m akŭm hơdai mơ̆n. 'Măng hnam oei chơkăl lê̆, mă-lei Yêsu dơ̆ng 'bơ̆t tŏk-bŏk lu sư păng khan: “Oei hiôk bĕ lu iĕm.”

Jang 1:3

Đơ̆ng rŏng kơ Yêsu lôch tam mă tŏk tơ plĕnh noh Sư năm tơ'bôh akâu Sư tơ jơ̆ng 'bang Sư ei. Yêsu tơbăt kơ lu sư akâu Sư kơdih oei arih. Kơplah puăn-jĭt năr noh Sư tơ'bôh akâu păng bơtho lu sư gah tơdrong 'Bok Kei-Dei wă pơgơ̆r.

I Kor 15:5

Klaih kơ noh Yêsu Krist tơ'bôh akâu Sư kơ Pêtrôs păng tơ'bôh kơ mơjĭt-'bar 'nu jơ̆ng 'bang Sư.

I Kor 15:7

Đơ̆ng noh dơ̆ng Sư tơ'bôh kơ Yakơ păng đĭ-đăng bơngai jơ̆ng 'bang Sư.

II Tes 3:16

Kră Yang Yêsu Krist boih ăn kơ bơ̆n hiôk-hian. Nhôn krao khan apinh Sư ăn kơ iĕm hiôk-hian ling-lang lăm tôm tơdrong păng nhôn apinh Sư oei hơdai rim 'nu kơ lu iĕm.

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;