Luka 24:30 - Sơ̆p Hlabơar Nơ̆r 'Bok Kei-Dei

³⁰ Na Sư tơoei hơdai păng bre sư wă sŏng sa. Na Yêsu iŏk 'bĕng mi krao khan bơnê kơ 'Bok Kei-Dei na phĕ asong kơ bre sư 'bĕng mi ei.

Luka 24:30 Iomraidhean Croise

Mathiơ 14:19

Yêsu athei đĭ-đăng lu bơngai tơpôl ei tơoei kơpal 'nhĕt. Klaih kơ noh Sư iŏk pơđăm tŏ 'bĕng mi păng 'bar hlak ka ei ngoi tơ plĕnh krao khan bơnê kơ 'Bă Sư 'Bok Kei-Dei, na phĕ 'bĕng mi ăn kơ lu bơngai pơhrăm păng Sư chă asong kơ bôl buăl.

Mathiơ 15:36

Yêsu iŏk tơpơh tŏ 'bĕng mi păng 'bar pêng găr ka noh, krao khan bơnê kơ 'Bă Sư 'Bok Kei-Dei, phĕ hloi 'bĕng mi păng ka noh ăn kơ lu bơngai pơhrăm păng Sư chă asong kơ lu bơngai tơpôl ei.

Mathiơ 26:26

Kơplah lu sư sŏng sa, Yêsu iŏk 'bĕng mi krao khan bơnê kơ 'Bok Kei-Dei na phĕ hloi 'bĕng mi noh asong kơ lu sư păng khan: “Iŏk sa 'bĕng âu bĕ, 'bĕng âu boih akâu Inh.”

Markôs 14:22

Kơplah lu sư sŏng sa Yêsu iŏk 'bĕng mi krao khan bơnê kơ 'Bok Kei-Dei na phĕ hloi 'bĕng mi noh asong kơ lu sư păng khan: “Iŏk sa 'bĕng âu bĕ, 'bĕng âu boih akâu Inh.”

Markôs 6:41

Sư iŏk pơđăm tŏ 'bĕng mi păng 'bar hlak ka ei, ngoi tơ plĕnh krao khan bơnê kơ 'Bă Sư 'Bok Kei-Dei, na phĕ hloi 'bĕng mi ei ăn kơ lu bơngai pơhrăm păng Sư chă asong kơ lu bôl buăl. Sư kư̆m phĕ asong 'bar hlak ka ei wă kơ bôl buăl sa.

Markôs 8:6

Sư athei lu bơngai tơpôl ei tơoei tơ teh. Sư iŏk tơpơh tŏ 'bĕng mi 'noh, krao khan bơnê kơ 'Bă Sư 'Bok Kei-Dei, phĕ hloi 'bĕng mi noh ăn kơ lu bơngai pơhrăm păng Sư chă asong kơ lu bơngai tơpôl ei; na lu bơngai pơhrăm păng Sư chă asong kơ bôl buăl.

Luka 22:19

Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Luka 24:29

Mă-lei bre noh pơtơm Sư khŏm khŏm khan: “Ih năm 'bĭch hơdai păng nhi 'biơ̆ wăi, yua kơ dang ei đĭ kơsơ̆ boih.” Na Yêsu chu bre sư.

Luka 24:35

Na bre sư kư̆m roi ăn kơ lu bôl sư gah tơdrong Kră Yang Yêsu yak hơdai bre sư kơplah rok trong hei mơ̆n, na bre sư kơnăl kơ Yêsu kơplah Sư oei phĕ 'bĕng mi.

Luka 9:16

Na Yêsu iŏk pơđăm tŏ 'bĕng mi păng 'bar tŏ ka ei, ngoi tơ plĕnh krao khan bơnê kơ 'Bă Sư 'Bok Kei-Dei. Đơ̆ng noh Sư phĕ 'bĕng mi păng ka ei ăn kơ lu bơngai pơhrăm păng Sư chă asong kơ lu bôl buăl.

Yo 6:11

Klaih kơ noh Yêsu iŏk pơđăm tŏ 'bĕng mi ei krao khan bơnê kơ 'Bok Kei-Dei hơdrol, đơ̆ng noh asong kơ lu bơngai tơpôl oei lăm ei. Ka sư kư̆m asong lei-lăi thoi noh mơ̆n. Lu đe ei iŏk sa gô mơ̆ng kơ lu sư wă sa.

Jang 2:42

Rim năr lu sư mơ̆ng lu jơ̆ng 'bang bơtho. Lu sư pơgơ̆p băl thoi 'nhŏng oh, sŏng sa 'blŏk hơdơ̆r kơ Yêsu hăm krao khan kơ 'Bok Kei-Dei hơdai.

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Jang 27:35

Hlôi kơ pơma thoi noh, Pôl iŏk 'bĕng mi, krao khan bơnê kơ 'Bok Kei-Dei 'bơ̆t anăp đĭ-đăng lu sư, na phĕ hloi 'bĕng mi ei sa.