Luka 23:56 - Sơ̆p Hlabơar Nơ̆r 'Bok Kei-Dei

⁵⁶ Klaih kơ noh lu sư brŏk tơ hnam chă hơmet pơgang 'bâu phu wă năm pik tơ akâu Yêsu. Kơplah năr pơdơh Sa'bat lu sư kư̆m pơdơh kiơ̆ kơ tơdrong juăt 'Bok Kei-Dei mơ̆n.

Luka 23:56 Iomraidhean Croise

II Ho 16:14

Đe 'bŭ sư lăm bơsat mă anih sư đei sir boih kơ sư kơdih lăm pơlei Đawit, đe tơ'bĭch lăm bong mă đe đei tah 'bĕnh kơ pơgang 'bâu phu, đe đei hơmet boih kiơ̆ kơ juăt pơm soh, đe soh 'long pơgang 'bâu phu tih dêh lăm năr grong noh.

Le 31:14

Thoi noh, lu iĕm athei bơwei năr Sa'bat yua kơ năr noh jing năr 'lơ̆ng rơgoh ăn kơ lu iĕm. Bơngai bu pơm pơ'mê̆ kơ năr noh, đe gô pơlôch sư; hăm bơngai bu jang minh tơdrong kiơ lăm năr noh, đe gô pơpuh tơweh lê̆ sư.

Markôs 16:1

Lăp hloh kơ năr pơdơh Sa'bat boih, na Mari đơ̆ng Pơlei Mađơla, Salômê păng Mari mĕ bre Jôsê hăm Yakơ, lu sư răt pơgang 'bâu phu wă năm pik tơ atâu Yêsu.

Luka 24:1

Lăp 'brưch hơdah til pơgê năr mônh, lu drŏ-kăn ei chĕp ba pơgang 'bâu phu mă đêl lu sư hơmet lê̆ noh na năm tơ bơsat.

Both 5:14

Mă-lei lăm năr tơpơh noh năr pơdơh Kră Yang 'Bok Kei-Dei iĕm; 'nĕ kơ bơ̆jang minh tơdrong kiơ, kon drŏ-nglo kon drŏ-kăn iĕm, đĭch drŏ-nglo đam drŏ-kăn iĕm, dah rơmo, aseh iĕm, dah lu sem dơrong iĕm, dah lu tơmoi chă oei pơdơh lăm hnam iĕm, wă kơ lu đĭch đam drŏ-nglo drŏ-kăn iĕm kư̆m pơdơh thoi iĕm mơ̆n.