Luka 23:54 - Sơ̆p Hlabơar Nơ̆r 'Bok Kei-Dei

⁵⁴ Na năr ei trŏ kơ năr đe hơmet lê̆ hơdrol tôm tơdrong wă yua lăm năr pơdơh Sa'bat dơning. Kơsơ̆ năr 'nei boih Yôsep 'măn atâu Yêsu tơ lăm bơsat.

Luka 23:54 Iomraidhean Croise

Mathiơ 27:62

Năr Yêsu lôch noh, năr đe hơmet tôm tơdrong tơmam wă yua lăm năr pơdơh Sa'bat. Na truh dơning, wă khan năr pơdơh Sa'bat, na lu 'bok soi tih hăm lu bơngai Pharisi năm akŭm păng Pilat.

Markôs 15:42

Đei minh 'nu bơngai anăn sư Yôsep đơ̆ng Pơlei Armơthê. Sư bơngai khŭl kră sek tơlang kơ đe păng đe ư-ang kơ sư. Sư kư̆m chang gô 'Bok Kei-Dei pơgơ̆r mơ̆n. Lăp 'năr kơsơ̆ boih năr ei, năr đe hơmet lê̆ hơdrol tôm tơdrong wă yua lăm năr pơdơh Sa'bat dơning, na Yôsep pơprơ̆n năm tơ Pilat apinh iŏk 'bŭ atâu Yêsu.

Luka 23:53

Lăp Yôsep apinh đang boih na sư tơjur iŏk atâu Yêsu đơ̆ng 'long pơglang, na sư lôm atâu Yêsu păng minh blah che kok. Klaih kơ noh sư năm 'măn atâu Yêsu tơ lăm bơsat mă đe bŏk lăm tơmo. Bơsat noh đe tam mă đei 'măn bu ôh.

Yo 19:14

Năr noh lăp 'năr wă suăn dơ̆ng, năr đe oei hơmet wă pơm Giĕng Năm Brih, Pilat khan kơ lu Juđê: “Âu 'Bok Pơtao iĕm.”

Yo 19:31

Lu bơngai Juđê năm apinh Pilat wă gơ̆ lê̆ jơ̆ng lu bơngai mă đêl pơ̆ng tơ 'long pơglang, wă kơ lu sư jah lôch na gơh tơjur 'bŭ atâu lu sư. Lu sư pơm thoi noh hơdrol kơ năr pơdơh Sa'bat, kơlih kơ năr Sa'bat lu sư kuă kơ lê̆ atâu tơ kơpal 'long pơglang, kơlih kơ năr Sa'bat 'noh năr lu sư khan năr kăl hloh tơpă, yua kơ trŏ năr pơm giĕng.

Yo 19:42

Yua kơ wă truh năr Sa'bat boih păng bơsat 'noh kư̆m jê̆ mơ̆n, thoi noh bre sư tah atâu Yêsu lăm bơsat ei hloi.