Luka 23:5 - Sơ̆p Hlabơar Nơ̆r 'Bok Kei-Dei

⁵ Mă-lei lu sư khan thoi âu dơ̆ng wă pơlŭt Pilat kư̆m jâu Sư bơngai yoch: “Yêsu âu chă pơchŭt đe kon tơring tơrang jơ̆p kơ dêh Juđê đơ̆ng tơring Galilê mah truh tơ bơ̆n âu.”

Luka 23:5 Iomraidhean Croise

Horiso 22:16

Yua kơ lu kŏ tăp dăr kơ inh, Minh khŭl bơngai kơnê̆ wang tăp kơ inh boih; Lu sư 'bet klĕch ti păng jơ̆ng inh boih.

Horiso 57:4

Bơhngol inh oei tŏk-bŏk dăm-brang Inh 'bĭch tŏk-bŏk lu sem bri sa bơngai. Mă đei hơnĕnh thoi tơju păng thoi 'brơ̆m, Hơpiĕt lu sư nhen đao suĕng han.

Horiso 69:4

Lu bơngai areh kơ inh tơdrong kơđei, lơ hloh kơ sŏk kơpal kơ̆l inh; Lu pơm ayăt kơ inh tơdrong kơ đei, lu bơngai wă pơrăm inh kơtang tơpă. Inh athei 'mong dôm tơmam mă inh ưh kơ tơtông iŏk ră.

Mathiơ 11:1

Yêsu bơtho khan kơ mơjĭt-'bar 'nu bơngai pơhrăm păng Sư đang boih, na Yêsu năm chă bơtho kon pơlei pơla tơring ei.

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Mathiơ 27:24

Pilat pă kĕ pơjah pơjăng thoi yơ boih, yua kơ 'bơ̆r kon pơlei pơla re rai dêh, na Pilat sŏ đak ôp ti sư kơdih 'bơ̆t anăp đe tơpôl păng khan: “Inh ưh kơ wă pơlôch ôh bơngai âu, iĕm đĕch wă pơlôch.”

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Markôs 1:14

Lăp đơ̆ng rŏng kơ đe phak Yôhan, Yêsu năm tơ dêh Galilê chă bơtho đe tơdrong 'nao 'lơ̆ng 'Bok Kei-Dei.

Luka 11:53

Kơplah Yêsu lĕch yak đơ̆ng hnam bơngai Pharisi ei, lu thây bơtho đe Juđê păng lu bơngai Pharisi areh kơ Sư dêh, na chă jet Sư lơ tơdrong,

Luka 23:23

Mă-lei lu đe ei pơma 'bơ̆r re pơlŭt Pilat khŏm khŏm athei sư pơ̆ng pơlôch Yêsu tơ 'long pơglang. Na khŏm khŏm jing jei hĭ lu đe noh tơpă.

Luka 23:6

Lăp Pilat kơtơ̆ng thoi noh na sư jet lu đe noh thoi âu: “Yêsu âu hăm trŏ kơ bơngai Galilê dah ưh?”

Yo 1:43

Năr đơ̆ng rŏng dơning dơ̆ng Yêsu wă năm tơ dêh Galilê, na Sư chă Philip pơtơm năm kiơ̆ Sư khan: “Năm kiơ̆ Inh bĕ.”

Yo 19:15

Lu sư ôr pơret: “Nhôn ưh kơ wă bơngai 'noh. Pơ̆ng pơlôch Sư tơ 'long pơglang.” Pilat khan dơ̆ng: “Inh pơ̆ng pơlôch 'Bok Pơtao iĕm hă?” Mă-lei lu 'bok soi tih khan: “Nhôn đei minh 'nu Sêsar đĕch pơm pơtao nhôn.”

Yo 2:11

Tơdrong mơsêh mơyang âu boih Yêsu pơm tơ'bôh kơ đe mă hơdrol. Sư pơm tơ Pơlei Kanna, dêh Galilê. Thoi noh boih na lu bơngai pơhrăm păng Sư lui kơ Sư đơ̆ng 'Bok Kei-Dei tơpă.

Yo 7:41

Lu mơ'nah dơ̆ng khan: “'Bok âu boih 'Bok Krist tơpă.” Đei lu mơ'nah dơ̆ng khan: “Ưh ôh. 'Bok âu sư lĕch đơ̆ng dêh Galilê mă-lei 'Bok Krist Sư ưh kơ lĕch đơ̆ng dêh Galilê ôh,

Yo 7:52

Na lu bôl buăl sư khan kơ sư: “Ih bơngai đơ̆ng dêh Galilê mơ̆n hă? Ih đŏk lăng lăm sơ̆p hla bơar 'Bok Kei-Dei bĕ, na ih gô băt đe ưh kơ đei chih roi khan bơngai mă pơtruh nơ̆r 'Bok Kei-Dei lĕch đơ̆ng dêh Galilê ôh, mă Sư âu lĕch đơ̆ng dêh Galilê.”

Jang 10:37

Iĕm băt boih tơdrong noh: Đơ̆ng rŏng kơ Yôhan bơtho tơdrong 'batem kơ đe, Yêsu năm jơ̆p kơ dêh đe Juđê, blŭng-a đơ̆ng dêh Galilê, bơtho tơdrong 'Bok Kei-Dei.

Jang 23:10

Lu kră sek tơlang ei pơjah dih băl rai pran truh kơ 'bok tih linh hli kơ lu kră sek tơlang wă pơjĭ Pôl dêh. Na sư athei lu linh sư năm tơ tŏk-bŏk đe wă dui iŏk Pôl đơ̆ng tŏk-bŏk bơngai tơpôl ei wă anhăk Pôl tơ kơđông.

Jang 5:33

Lu kră sek tơlang kơtơ̆ng thoi noh, sư hil mơmĭl tơpă wă pơlôch lu jơ̆ng 'bang Yêsu.

Jang 7:54

Êtien pơma kơ lu 'bok sek tơlang ei 'lơ̆ng ră mơ̆n, mă lu 'bok sek tơlang ei tơkăp sơnĕnh hil mơmĭl areh kơ Êtien.

Jang 7:57

Na lu đe ei kơtơ̆ng Êtien pơma thoi noh, lu sư pơma 'bơ̆r re chĭt đon hloi,