Luka 23:49 - Sơ̆p Hlabơar Nơ̆r 'Bok Kei-Dei

⁴⁹ Đĭ-đăng kơ lu bơngai juăt păng Yêsu, lu sư mơ'nah bơngai drŏ-kăn mă kiơ̆ Sư đơ̆ng dêh Galilê, lu sư dơ̆ng đơ̆ng ataih 'biơ̆ wă răp lăng dôm tơdrong đe pơm kơ Yêsu.

Luka 23:49 Iomraidhean Croise

Jop 19:13

Sư pơm lê̆ kơ lu 'nhŏng oh inh weh ataih đơ̆ng inh, lu bơngai juăt kơ inh jing tơmoi nai.

Horiso 142:4

Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

Horiso 38:11

Lu buăl juăt lu bơngai mơnat kơ inh oei ataih đơ̆ng inh yua kơ inh đei pơmat-tat. Păng 'nhŏng oh inh oei ataih kơ inh mơ̆n.

Horiso 88:18

Ih pơm kơ lu buăl juăt bơngai inh 'mêm weh achăng lê̆ inh. Anih măng mu pơm buăl juăt jê̆ inh anih măng mu.

Mathiơ 27:61

Mari đơ̆ng Pơlei Mađơla hăm Mari nai, bre sư oei ngôi jê̆ bơsat.

Markôs 15:47

Mari đơ̆ng Pơlei Mađơla păng Mari mĕ bre Jôsê hăm Yakơ, bre sư kư̆m 'bôh anih Yôsep 'măn atâu Yêsu.

Luka 23:27

Lu kon pơlei pơla lơ tơpă kiơ̆ lăng Yêsu. Kư̆m đei lơ drŏ-kăn mơ̆n, sư hmoi ơh sơ'ngon rah.

Luka 23:55

Na lu bơngai drŏ-kăn mă kiơ̆ Yêsu đơ̆ng dêh Galilê ki, lu sư kư̆m kiơ̆ Yôsep kơplah sư năm 'măn atâu Yêsu tơ lăm bơsat mơ̆n. Thoi noh na lu sư băt anih Yôsep 'măn atâu Yêsu.

Luka 8:2

Na kư̆m đei lu drŏ-kăn năm hơdai lu sư mơ̆n. Lu drŏ-kăn noh sơ̆ đơ̆ng đêl Yêsu pơklaih lơ tơdrong jĭ lu sư, kư̆m đei pơpuh lu yang kơnê̆ đơ̆ng lu sư mơ̆n. Lu đe noh anăn lu sư: Mari đơ̆ng Pơlei Mađơla. Bơngai noh sơ̆ Yêsu pơpuh tơpơh tŏ yang kơnê̆ đơ̆ng sư.