Luka 23:46 - Sơ̆p Hlabơar Nơ̆r 'Bok Kei-Dei

⁴⁶ Yêsu pơma 'bơ̆r re khan: “Ơ 'Bă, Inh pơjao ăn kơ Ih Bơhngol Inh.” Na lăp Sư pơma đang boih, na Yêsu kơtĕch jơhngơ̆m hloi.

Luka 23:46 Iomraidhean Croise

Horiso 31:5

Inh jao bơhngol ih lăm ti Kră Yang. Ơ Kră Yang, 'Bok Kei-Dei tơpăt sĭt tơpă. Ih huai iŏk inh boih.

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Yo 19:30

Trip sik 'nhŭ ei boih, Yêsu khan: “Dôm tơdrong đang boih.” Na Sư kŭp kơ̆l, pơjao bơhngol Sư kơ 'Bok Kei-Dei, kơtĕch jơhngơ̆m hloi.

Jang 7:59

Klaih kơ noh lu sư klơ̆m Êtien păng tơmo, wă kơ Êtien lôch. Lăp đơ̆ng ei, Êtien sư krao khan thoi âu: “Ơ Kră Yang Yêsu, apinh Ih iŏk bơhngol inh.”

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

I Pet 2:23

Đe pơma kơnê̆ kơ Sư, Sư ưh kơ pơma kơnê̆ kơ đe; đe pơm pơmat Sư, mă-lei Sư ưh kơ pơma tơwih kơ đe. Sư gô mơ̆ng kơ 'Bok Kei-Dei đĕch, yua kơ Sư băt kơ 'Bok Kei-Dei sek tơlang tơpăt.