Luka 23:35 - Sơ̆p Hlabơar Nơ̆r 'Bok Kei-Dei

³⁵ Lu kon pơlei pơla dơ̆ng 'bơ̆t ei wă lăng đe pơlôch Yêsu. Lu đe 'bok tih Juđê che bơle kơ Yêsu khan thoi âu: “Sư gơh pơklaih đe sơ̆, na dang ei dah Sư 'Bok Krist tơpă mă 'Bok Kei-Dei rơih wă pơm Pơtao bơ̆n lei lê̆ Sư pơklaih akâu Sư kơdih lăng.”

Luka 23:35 Iomraidhean Croise

Horiso 22:17

Inh gơh jô̆ đĭ-đăng kơting inh, Lu sư lăng pơglăn tơ inh păng hiĕk ăr kơ inh.

Horiso 35:15

Mă-lei lăm năr inh đei tơdrong truh, lu sư akŭm băl chơt hiôk, Lu sư akŭm pơđâu wă pơm kơnê̆ kơ inh, na inh ưh kơ băt, Lu sư hek sa inh pă đei pơdơh.

Horiso 4:2

Ơ kon bơngai! Tơdrong ư-ang inh, iĕm wă pơjăm dĭng dang yơ? Lu iĕm 'mêm kơ tơdrong kư̆ kă 'maih chă tơdrong hơlĕnh dĭng dang yơ dơ̆ng?

Horiso 69:26

Yua kơ lu sư pơmat lu bơngai mă Kră Yang teh boih, Păng lu sư chă roi tơdrong pơmat-tat lu bơngai mă Ih ăn đei rơka.

Horiso 71:11

Păng khan: “Kră Yang 'Bok Kei-Dei achăng lê̆ sư boih; Bĕ druh rôp sư, yua kơ ưh kơ đei bu dŏng pơklaih sư.”

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Nhom 3:14

Inh jing bơngai pơm pơhiĕk kơ kon pơlei inh, lu sư hơri pơjăm inh rim năr.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Mathiơ 12:18

“'Bok Kei-Dei khan: ‘Âu boih đam Inh, Inh rơih iŏk Sư, Inh 'mêm kơ Sư tơpă, Inh lăp đon kơ Sư dêh. Inh gô ăn kơ Sư Yang Bơhngol Inh, Wă bơtho tơbăt ăn kơ đĭ-đăng khŭl bơngai gah tơdrong Inh wă sek tơlang ning-mônh.

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Luka 23:13

Na Pilat krao akŭm lu 'bok soi tih, lu đe kră tơring păng lu kon pơlei pơla.

Luka 23:39

'Bar 'nu bơngai yoch noh mă đe pơ̆ng hơdai păng Sư, na minh 'nu pơma pơjăm Sư thoi âu: “Ih 'Bok Krist mă 'Bok Kei-Dei wơh wă pơm Pơtao nhôn hă, na lei Ih kuă kơ kiơ pơklaih akâu Ih kơdih, đơ̆ng noh pơklaih nhi hai?”

I Pet 2:4

Bơ̆n athei oei jê̆ Sư ling-lang, yua kơ tơdrong arih lu bơ̆n đơ̆ng Sư ăn. Sư thoi lĕ kơ tơmo đe man hnam tŭk boih; lu kon bơngai ưh kơ gĭt kơ Sư, mă 'Bok Kei-Dei gĭt kơ Sư na iŏk Sư.