Luka 23:34 - Sơ̆p Hlabơar Nơ̆r 'Bok Kei-Dei

³⁴ Na Yêsu khan kơ 'Bă Sư 'Bok Kei-Dei thoi âu: “Ơ 'Bă, apinh Ih 'nĕ jô̆ yo kơ lu sư, yua kơ lu sư ưh kơ băt lu sư oei pơm kiơ ôh.” Na lu linh ei pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Luka 23:34 Iomraidhean Croise

Bl 50:17

Năm pơma bĕ hăm Jôsep thoi âu: Ơ Jôsep apinh ih mơnat ăn kơ tơdrong yoch glăi đêl lu 'nhŏng pơm yoch glăi păng ih, lu sư đei pơm yoch păng ih boih ră; mă-lei 'bă apinh ih 'nĕ pă jô̆ yo kơ đĭch đam Kră Yang 'Bok Kei-Dei 'bă. Kơtơ̆ng dôm nơ̆r noh Jôsep nhơ̆m.

Horiso 22:18

Lu sư asong băl hơbĕn ao inh, Hlang lăng ao tai inh.

Êsai 53:12

Lei na Inh gô jô̆ sư hơtŏ hăm bơngai yŏng tih. Păng Kră Yang gô jô̆ sư lei-lăi hăm lu bơngai nuih pran, yua kơ sư tuh jao tơdrong arih sư kơdih truh kơ lôch, đe jô̆ lăm khŭl bơngai kơnê̆; mă tơpă sư pŭ iŏk tơdrong yoch kơ lơ bơngai păng krao khan ăn kơ lu bơngai yoch.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Mathiơ 11:26

Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Markôs 15:24

Na lu linh pơ̆ng Sư tơ 'long pơglang. Lu sư pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Luka 22:42

Sư khan: “Ơ 'Bă, dah gơh, lei ăn kơ Inh gơh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Yo 17:9

“Inh krao khan kơ Ih apinh Ih tơgŭm mơnat kơ lu sư. Dang ei Inh ưh kơ krao khan apinh Ih, wă kơ Ih tơgŭm đĭ-đăng bơngai ala teh ôh. Inh krao khan kơ Ih wă kơ Ih tơgŭm lu bơngai mă Ih pơjao ăn kơ Inh, yua kơ lu sư bơngai Ih.

Yo 19:11

Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”

Jang 16:28

Mă-lei Pôl pơma pơret khan kơ sư: “Ih 'nĕ pơrăm kơdih akâu, nhôn oei tôm lăm âu, ưh kơ đei bu hiong ôh.”

Jang 3:17

“Ơ đe 'nhŏng oh, iĕm ưh kơ băt kơ Sư na iĕm pơlôch Sư Kon 'Bok Kei-Dei, lu 'bok tih iĕm kư̆m hơdai ưh kơ băt mơ̆n.

Jang 7:60

Klaih kơ noh sư sơtơ̆p kŭl-tăng pơma 'bơ̆r re thoi âu: “Ơ Kră Yang, Ih 'nĕ jô̆ yo kơ lu bơngai pơlôch inh.” Na sư lôch hloi. Sôl kư̆m wă kơ đe pơlôch Êtien mơ̆n.

Rom 12:14

Mă đe pơm kơnê̆ kơ bơ̆n, bơ̆n 'nĕ kơ blei hiap đe, bơ̆n rai krao khan apinh 'Bok Kei-Dei mơnat kơ sư dơ̆ng.

I Kor 2:8

Tơdrong 'noh lu bơngai pơgơ̆r ala teh âu lu sư ưh kơ đei bu băt; dah lu sư băt sơ̆ lei lu sư ưh kơ pơ̆ng pơlôch Kră Yang mơsêh tih-tin tơ 'long pơglang ôh.

I Kor 4:12

Nhôn jang sa păng ti kơdih. Đe oei hiĕk achơ̆ kơ nhôn, nhôn kư̆m krao khan kơ 'Bok Kei-Dei tơgŭm lu sư mơ̆n; đei mơ'nah pơm kơnê̆, nhôn mơ̆ng đĕch;

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.