Luka 23:32 - Sơ̆p Hlabơar Nơ̆r 'Bok Kei-Dei

³² Lu linh ei anhăk ba bre 'bar 'nu bơngai yoch, lu linh kư̆m wă pơ̆ng pơlôch bre sư hơdai păng Yêsu mơ̆n.

Luka 23:32 Iomraidhean Croise

Êsai 53:12

Lei na Inh gô jô̆ sư hơtŏ hăm bơngai yŏng tih. Păng Kră Yang gô jô̆ sư lei-lăi hăm lu bơngai nuih pran, yua kơ sư tuh jao tơdrong arih sư kơdih truh kơ lôch, đe jô̆ lăm khŭl bơngai kơnê̆; mă tơpă sư pŭ iŏk tơdrong yoch kơ lơ bơngai păng krao khan ăn kơ lu bơngai yoch.

Mathiơ 27:38

Lu sư kư̆m pơ̆ng pơlôch 'bar 'nu bơngai tơtông jê̆ hơdai Yêsu, minh 'nu gah 'ma, minh 'nu gah 'ngiĕo kơ Sư.

Markôs 15:27

Lu sư kư̆m pơ̆ng 'bar 'nu bơngai tơtông jê̆ hơdai Yêsu mơ̆n, minh 'nu gah 'ma, minh 'nu gah 'ngiĕo kơ Sư.

Luka 22:37

Sơ̆p hla bơar 'Bok Kei-Dei khan sơ̆ thoi âu: Đe jô̆ kơ Inh bơngai yoch trŏ kơ pơlôch. Na bơ̆n gô 'bôh đe jô̆ kơ Inh thoi noh tơpă. Na dôm tơdrong đe chih lê̆ hơdrol sơ̆ gah Inh bơ̆n gô 'bôh tôm tơpă.”

Luka 23:31

Dah đe pơm kơnê̆ dang âu kơ Inh bơngai mă ưh kơ pơm yoch yua kơ Inh thoi lĕ kơ 'long adrih đĕch, bĭ đe gô pơm dang yơ kơ lu bơngai pơm yoch, yua kơ lu sư thoi lĕ kơ 'long ŭnh kro, ŭnh 'bônh kơ sa tơpă?”

Yo 19:18

Tơ noh boih đe pơ̆ng Sư tơ 'long pơglang. Pơ̆ng hơdai Yêsu kư̆m đei 'bar 'nu bơngai nai, minh 'nu gah 'ma minh 'nu gah 'ngiĕo, na Yêsu tŏk-bŏk.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.