Luka 23:26 - Sơ̆p Hlabơar Nơ̆r 'Bok Kei-Dei

²⁶ Đơ̆ng noh na đe anhăk ba Yêsu wă năm pơ̆ng pơlôch. Đei minh 'nu bơngai, anăn sư Simôn, sư bơngai Pơlei Siren. Sư năm brih trong ei wă mơ̆t tơ Pơlei Jêrusalem ră, mă-lei lu linh dui pơgŏ sư tôi kơ Yêsu 'long pơglang, yak đơ̆ng rŏng Yêsu.

Luka 23:26 Iomraidhean Croise

Mathiơ 5:41

Lu linh pơgŏ wă kơ iĕm kiơ̆ tơgŭm sư dang minh kơsô̆, iĕm athei pơhloh truh 'bar kơsô̆.

Luka 14:27

Bơngai bu ưh kơ chu tôi 'long pơglang sư kơdih lôch kiơ̆ Inh, bơngai ei ưh kơ gơh jing bơngai kiơ̆ Inh ôh.

Luka 23:25

Pilat tơlĕch ăn kơ lu sư bơngai mă lu sư apinh noh, bơngai mă đêl đe tah lăm hnam phak yua kơ sư iung blah lu 'bok pơgơ̆r ki păng sư chă pơlôch đe. Mă-lei gah Yêsu, Pilat chu ăn kơ lu sư pơlôch đĕch.

Luka 9:23

Na Yêsu khan kơ bơngai tơpôl lơ mă năm mơ̆ng Sư: “Dah bơngai bu wă kiơ̆ Inh, sư athei tŭk đĭ dôm tơdrong sư kơdih na rim năr sư athei tôi kơdih 'long pơglang chu lôch yua kơ wă kiơ̆ Inh.

Jang 13:1

Lăm lu bơngai lui tơ Pơlei Antiôs đei lu bơngai pơtruh nơ̆r 'Bok Kei-Dei păng lu bơngai bơtho nơ̆r 'Bok Kei-Dei. Anăn lu sư: 'Barna'ba, Simiôn mă đe kư̆m anăn Niger, Lusiu đơ̆ng Pơlei Siren, Sôl păng Manahen. Manahen đe rong sư hơdai 'bok kuan tih Hêrôt hơtai sư oei iĕ sơ̆.

Jang 2:10

Mơ'nah đơ̆ng dêh char Phiji, kư̆m đei mơ'nah đơ̆ng dêh char Pamphili, mơ'nah đơ̆ng dêh char Êyiptơ, kư̆m đei mơ'nah đơ̆ng tơring Siren lăm dêh char Libi. Đơ̆ng Pơlei Rôm kư̆m đei mơ̆n, mơ'nah bơngai Juđê, lu mơ'nah bơngai nai kiơ̆ tơdrong juăt Juđê.

Jang 6:6

Lu bôl sư anhăk ba lu sư tơpơh 'nu bơngai ei tơ lu bơngai jơ̆ng 'bang Yêsu. Na lu jơ̆ng 'bang Yêsu pel hloi kơ̆l krao khan apinh 'Bok Kei-Dei tơgŭm lu sư jang tơdrong ei.

Jang 6:9

Tơ Pơlei Jêrusalem đei lu bơngai đơ̆ng hnam akŭm 'Bok Kei-Dei đe anăn hnam akŭm đe rơngei. Đei lu bơngai đơ̆ng Pơlei Siren, đơ̆ng Pơlei Aleksandrê păng đơ̆ng dêh Salisia, đơ̆ng noh dêh Asi năm akŭm tơ ei ngăl. Lăm lu bơngai ei đei mơ'nah chă pơjah pơjăng păng Êtien.