Luka 23:22 - Sơ̆p Hlabơar Nơ̆r 'Bok Kei-Dei

²² Pilat pơma dŏng ră Yêsu 'măng mă pêng thoi âu: “Kơlih kơ kiơ iĕm wă pơlôch Sư? Sư pơm tơdrong yoch kiơ? Inh ưh kơ 'bôh Sư pơm tơdrong yoch kiơ ôh na lơliơ iĕm khan wă pơlôch Sư lĕ? Na dang ei inh athei lu linh teh pơjĭ Sư păng sơnguĕt, na đơ̆ng noh tơlĕch Sư đĕch.”

Luka 23:22 Iomraidhean Croise

Luka 23:14

Na Pilat khan kơ lu đe noh thoi âu: “Iĕm anhăk bơngai âu tơ inh hei, iĕm pơtă kơ Sư khan Sư pơchŭt lu kon tơring tơrang pơm ưh kơ lăp. Mă-lei inh sek tơlang Sư 'bơ̆t anăp lu iĕm hei inh ưh kơ 'bôh Sư pơm tơdrong yoch kiơ ôh gah tơdrong iĕm ată kơ Sư noh.

Luka 23:16

Inh gô ăn kơ lu linh teh pơjĭ Sư păng sơnguĕt na đơ̆ng noh tơlĕch Sư đĕch.”

Luka 23:20

Pilat oei pơma pơlung lu sư dơ̆ng yua kơ Pilat wă tơlĕch Yêsu tơpă ră.

Luka 23:21

Mă-lei lu sư pơma 'bơ̆r re khan: “Pơ̆ng pơlôch Sư tơ 'long pơglang, pơ̆ng pơlôch Sư tơ 'long pơglang.”

Luka 23:23

Mă-lei lu đe ei pơma 'bơ̆r re pơlŭt Pilat khŏm khŏm athei sư pơ̆ng pơlôch Yêsu tơ 'long pơglang. Na khŏm khŏm jing jei hĭ lu đe noh tơpă.

Luka 23:4

Na Pilat khan kơ lu 'bok soi tih păng đĭ-đăng lu bơngai tơpôl oei kiơ̆ ei: “Inh 'bôh bơngai 'nâu ưh kơ đei tơdrong yoch kiơ ôh.”

I Pet 1:19

Tơdrong Sư huai iŏk kăl tơpă, hăm pham Kon Sư Yêsu Krist kơdih hloi; Yêsu Sư thoi lĕ triu mă rơgoh 'lơ̆ng đe wă soi kơ 'Bok Kei-Dei.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.