Luka 23:11 - Sơ̆p Hlabơar Nơ̆r 'Bok Kei-Dei

¹¹ Na Hêrôt păng lu linh sư che bơle pơ'brơh kơ Yêsu. Lu sư pơhrŭk ăn kơ Yêsu ao tai rŏ tơpă pơm thoi pơtao na tơwih Sư tơ Pilat dơ̆ng.

Luka 23:11 Iomraidhean Croise

Horiso 22:6

Mă-lei inh nhen thoi hơdrông ưh kơ trŏ kon bơngai. Inh jing tơmam pơm kơ kon bơngai pơjăm, Păng tơmam pơm ăn kơ kon pơlei hiĕk ăr.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Mathiơ 14:1

Kơplah noh pơtao Hêrôt kơtơ̆ng ang tơdrong mơsêh Yêsu. Pơtao Hêrôt kơplah noh sư pơgơ̆r dêh Galilê.

Mathiơ 14:3

Sơ̆ pơtao Hêrôt wơh đe năm rôp chô̆ Yôhan tah tơ lăm hnam phak, yua kơ minh 'nu duch anăn sư Hêrôđia wă kơ thoi noh. Duch Hêrôđia ei akăn oh pơtao Hêrôt, anăn sư Philip. Mă-lei 'nhŏng sư Hêrôt tơgar iŏk akăn oh sư.

Mathiơ 14:6

Lăp trŏ năr đe tơpŭ kơ Hêrôt, đe sa et pơrŏ na kon adruh duch Hêrôđia mơ̆t suang tơ anih đe et sa, na pơtao Hêrôt lăp đon dêh.

Markôs 9:12

Yêsu khan kơ lu sư: “Trŏ boih Êli jur tơ teh hơdrol kơ 'Bok Krist, yua kơ sư hơmet ming tôm tơdrong hơdrol. Na Inh kư̆m wă jet iĕm mơ̆n: Yua kơ kiơ sơ̆p hla bơar 'Bok Kei-Dei chih khan lê̆ hơdrol kơ Inh Kon Bơngai gô đei tơdrong pơmat-tat păng tơdrong đe hil areh kơ Inh?

Luka 23:10

Lu 'bok soi tih păng lu 'bok thây bơtho tơdrong juăt đe Juđê kư̆m oei 'bơ̆t ei mơ̆n na lu sư jâu Yêsu dêh.

Yo 19:5

Klaih kơ noh na Yêsu lĕch. Sư yơ̆l tơlei agăl jơla păng hrŭk ao tai 'brê. Pilat khan: “Iĕm lăng bĕ bơngai 'nâu.”

Ya 2:2

Pơtih gia đei minh 'nu bơngai mơdrŏng 'bot tơkhiĕn maih, hrŭk hơbĕn ao 'lơ̆ng rŏ mơ̆t tơ hnam akŭm iĕm. Đei minh 'nu bơngai dơnuh iĕm 'bôh sư hrŭk hơbĕn ao hiah, sư kư̆m mơ̆t akŭm.

Ya 2:3

Na iĕm lăp đon kơ bơngai mơdrŏng mă hrŭk hơbĕn ao 'lơ̆ng rŏ na iĕm khan kơ sư khan: “Apinh ih ngôi tơ anih 'lơ̆ng âu bĕ.” Mă gah bơngai dơnuh iĕm khan: “Dơ̆ng 'bơ̆t e noh, dah tơoei 'bơ̆t hơdrơh noh.”