Luka 22:53 - Sơ̆p Hlabơar Nơ̆r 'Bok Kei-Dei

⁵³ Bĭ rim năr Inh oei tơ tŏk-bŏk lu iĕm tơ lăm hnam akŭm tơm, na iĕm kuă kơ kiơ kơ rôp Inh tơ noh lĕ? Mă-lei iĕm oei kiơ̆ kơ yang Satan mă oei pơgơ̆r dôm lu bơngai oei lăm măng mu na trŏ năr iĕm rôp Inh boih.”

Luka 22:53 Iomraidhean Croise

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Mathiơ 21:23

Yêsu năm dơ̆ng tơ hnam akŭm 'Bok Kei-Dei tơm wă bơtho đe tơ noh. Kơplah Sư oei bơtho đei lu 'bok soi tih păng lu đe kră sek tơlang năm jet Yêsu thoi âu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Luka 22:52

Yêsu khan kơ lu 'bok soi tih, hăm lu kră linh gak hnam akŭm tơm păng lu đe kră mă năm rôp Sư, thoi âu: “Lơliơ iĕm năm tơ âu chĕp tak đao 'long tơnôn dang lĕ đe wă rôp bơngai tơtông klĕ?

Luka 22:54

Na lu sư rôp hloi Yêsu anhăk Sư tơ hnam 'bok soi tơm. Na Pêtrôs kiơ̆ lăng Sư đơ̆ng rŏng đơ̆ng rŏng Sư ataih ataih.

Yo 12:27

“Dang ei jơhngơ̆m Inh sơ'ngon 'biơ̆, na Inh wă pơma lơliơ? Dah Inh khan: ‘Ơ 'Bă, apinh Ih 'nĕ ăn tơdrong anat anot âu truh tơ Inh,’ lei ưh kơ trŏ ôh, kơlih kơ 'Bă Inh 'Bok Kei-Dei wơh Inh jur tơ teh âu wă kơ Inh pŭ tơdrong anat anot âu boih.

Yo 13:30

Juđa iŏk 'bĕng mi ei na lĕch hloi tơ 'ngoaih. Kơplah ei măng mu yua kơ 'năr mơ̆t boih.

Yo 14:30

Dang ei Inh oei pơma dơnuh păng iĕm ưh pă đunh boih, kơlih kơ yang Satan kră pơgơ̆r tơ ala teh âu wă truh boih. Mă-lei sư ưh kơ kĕ pơgŏ Inh pơm tơdrong kiơ ôh.

Yo 7:30

Thoi noh na lu đe ei wă rôp Sư ră, mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

Yo 7:45

Lu linh ei brŏk hoh đĕch tơ lu yŏng sư. Na lu yŏng sư 'bok soi tih păng lu đe Pharisi jet lu linh sư khan: “Lơliơ iĕm ưh kơ rôp anhăk Sư tơ âu?”

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Kôlôsê 1:13

'Bok Kei-Dei dŏng pơklaih bơ̆n đơ̆ng yang kơnê̆ pơgơ̆r mă oei lăm măng mu, na anhăk ba bơ̆n oei tơ anih Kon Sư pơgơ̆r mă Sư 'mêm kơdih.