Luka 22:34 - Sơ̆p Hlabơar Nơ̆r 'Bok Kei-Dei

³⁴ Na Yêsu khan kơ sư thoi âu: “Ơ Pêtrôs, Inh khan kơ ih tơpă, măng kơnh boih, hơdrol kơ iĕr wă ŏ, ih gô sơngah kơ Inh pêng 'măng khan ih ưh kơ băt kơ Inh.”

Luka 22:34 Iomraidhean Croise

Mathiơ 26:34

Yêsu khan kơ Pêtrôs: “Inh khan kơ ih tơpă, măng kơnh boih hơdrol kơ iĕr ŏ, ih gô sơngah kơ Inh pêng 'măng khan ih ưh kơ băt kơ Inh.”

Mathiơ 26:74

Na Pêtrôs sơngah hiap akâu sư kơdih khan: “Inh ưh kơ băt tơpă bơngai mă iĕm khan noh.” Đang sư pơma thoi noh lêk kơ iĕr ŏ hloi.

Markôs 14:30

Yêsu khan kơ sư: “Inh khan kơ ih tơpă, măng kơnh boih, hơdrol kơ iĕr ŏ 'bar 'măng, ih gô sơngah kơ Inh pêng 'măng khan ih ưh kơ băt kơ Inh.”

Luka 22:33

Pêtrôs khan kơ Sư: “Ơ 'Bok, mă đe tah inh lăm hnam phak hơdai păng Ih, dah pơlôch inh hơdai păng Ih, mă-lei inh kư̆m ưh kơ wă sơngah kơ Ih ôh.”

Luka 22:35

Na Yêsu khan kơ lu sư dơ̆ng: “Sơ̆ Inh wơh iĕm năm chă bơtho đe, na Inh khan kơ iĕm 'nĕ kơ chĕp ba jên, mă kơdŭng tah tơmam, dah chơkhŏ, na iĕm hăm kơ'bah kơ tơdrong kiơ ưh sơ̆?” Lu sư tơl: “Nhôn ưh kơ đei kơ'bah tơdrong kiơ ôh sơ̆.”

Luka 22:61

Na Kră Yang Yêsu hue lăng Pêtrôs, na Pêtrôs 'blŏk hơdơ̆r kơ nơ̆r Kră Yang Yêsu pơma pơkă lê̆ hơdrol hei khan: “Măng kơnh boih hơdrol kơ iĕr wă ŏ ih gô sơngah kơ Inh pêng 'măng.”

Yo 13:38

Yêsu khan: “Ih khan wă chu lôch kiơ̆ Inh hă? Inh khan kơ Ih tơpă, hơdrol kơ iĕr ŏ pơgê dơning, ih gô sơngah kơ Inh pêng 'măng, ih khan ih ưh kơ băt kơ Inh.”

Yo 18:27

Pêtrôs sơngah dơ̆ng, klaih kơ noh lêk kơ iĕr ŏ hloi.