Luka 22:19 - Sơ̆p Hlabơar Nơ̆r 'Bok Kei-Dei

¹⁹ Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Luka 22:19 Iomraidhean Croise

Horiso 111:4

Sư tơ'blŏk tơdrong jang hlĭch chrơp Sư đei pơm boih. Kră Yang 'mêm păng mơnat.

Hơri Hiôk 1:4

Chông ba inh kiơ̆ ih bĕ kơdâu mă hrĕnh. Pơtao chông inh boih mơ̆t tơ anih sư.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Êsêkiên 5:5

'Nâu nơ̆r Kră Yang Tih Hloh khan: Âu pơlei Jêrusalem, Inh dan sư tŏk-bŏk lu dêh char păng lu teh đak jum dăr kơ sư.

Da 2:38

Kră Yang 'Bok Kei-Dei đei ăn boih tơ lăm ti pơtao dôm lu adrĕch kon bơngai, lu kon sem brem, lu sem păr, tơ jơ̆p-jang anih mă khan lu sư oei tơ yơ, Sư kư̆m đei ăn pơtao pơgơ̆r đĭ-đăng; thoi noh kơ̆l pơm hăm maih noh ih boih.

Mathiơ 14:19

Yêsu athei đĭ-đăng lu bơngai tơpôl ei tơoei kơpal 'nhĕt. Klaih kơ noh Sư iŏk pơđăm tŏ 'bĕng mi păng 'bar hlak ka ei ngoi tơ plĕnh krao khan bơnê kơ 'Bă Sư 'Bok Kei-Dei, na phĕ 'bĕng mi ăn kơ lu bơngai pơhrăm păng Sư chă asong kơ bôl buăl.

Mathiơ 15:36

Yêsu iŏk tơpơh tŏ 'bĕng mi păng 'bar pêng găr ka noh, krao khan bơnê kơ 'Bă Sư 'Bok Kei-Dei, phĕ hloi 'bĕng mi păng ka noh ăn kơ lu bơngai pơhrăm păng Sư chă asong kơ lu bơngai tơpôl ei.

Luka 22:17

Klaih kơ noh Yêsu iŏk minh pôm kơchŏk đak hơmu, krao khan bơnê kơ 'Bok Kei-Dei na khan: “Iĕm iŏk kơchŏk đak hơmu âu asong dih băl huch.

Luka 22:20

Kư̆m thoi noh mơ̆n, đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn kơ lu iĕm. Thoi noh na 'Bok Kei-Dei gô pơklaih iĕm đơ̆ng tơdrong yoch.

Luka 24:30

Na Sư tơoei hơdai păng bre sư wă sŏng sa. Na Yêsu iŏk 'bĕng mi krao khan bơnê kơ 'Bok Kei-Dei na phĕ asong kơ bre sư 'bĕng mi ei.

Yo 6:23

Mă-lei năr đơ̆ng rŏng đei lơ thŏng-nan nai đơ̆ng Pơlei Tiberia năm truh tơ anih Kră Yang Yêsu krao khan bơnê kơ 'Bok Kei-Dei na asong kơ lu bơngai tơpôl tơmam sa.

Yo 6:51

Inh boih tơmam sa arih kơ kon bơngai mă jur đơ̆ng plĕnh; bơngai bu sa tơmam sa âu sư gô arih ling-lang. Tơmam sa mă Inh ăn noh wă khan sĕch akar Inh ăn kơ kon bơngai arih.”

I Kor 10:16

Kơplah năr bơ̆n akŭm krao khan 'blŏk hơdơ̆r gah tơdrong Yêsu, bơ̆n iŏk kơchŏk đak hơmu huch, 'noh dang bơ̆n huch pham Yêsu; păng bơ̆n iŏk phĕ sa 'bĕng mi, 'noh dang bơ̆n iŏk sa akâu Sư.

I Kor 10:4

păng đak nhă lu sư đơ̆ng 'Bok Kei-Dei ăn mơ̆n. Đak lĕch đơ̆ng tơmo. Tơmo 'noh kiơ̆ bơwei lu sư khŏm khŏm. Tơmo 'noh wă khan 'Bok Krist.

Galati 1:4

Kră Yang bơ̆n Yêsu Krist ăn akâu Sư kơdih wă lôch tang bơ̆n pơklaih bơ̆n đơ̆ng tơdrong yoch. Sư lôch tang bơ̆n wă iŏk bơ̆n đơ̆ng lu bơngai kơnê̆ ahrei âu. Sư pơm thoi noh wă kơ trŏ thoi 'Bă tơm bơ̆n 'Bok Kei-Dei wă.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.