Luka 22:18 - Sơ̆p Hlabơar Nơ̆r 'Bok Kei-Dei

¹⁸ Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bok Kei-Dei pơgơ̆r ning-mônh 'mơ̆i.”

Luka 22:18 Iomraidhean Croise

Horiso 104:15

Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Êsai 55:1

“Ơ lu bơngai mă rơhing kơ đak, năm bĕ tơ đak! Păng bơngai bu ưh kơ đei jên, năm bĕ răt na sa, năm bĕ răt tơdrô păng đak toh mă ưh kơ kăl hăm jên, ưh kơ đei huach kơ răt.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Sa 9:15

Kră Yang Tih Hloh gô tơgŭm dŏng lu sư, lu sư gô pơrăm hăm jei kơplah klơ̆m tơmo, lu sư gô huch suai ôr tơjrông tơjrang đơ̆ng sik hơmu pơm kơ lu sư, lu sư phĭ hrăp thoi pơnhan thoi đe hling tơ lu mum jơ̆ng gơ'bang soi.

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

Mathiơ 16:18

Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.

Mathiơ 26:29

Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bă Inh pơgơ̆r ning-mônh 'mơ̆i, na Inh gô huch đak hơmu 'nao hơdai iĕm.”

Markôs 14:23

Sư iŏk dơ̆ng minh pôm kơchŏk đak hơmu, krao khan bơnê kơ 'Bok Kei-Dei na ăn kơ lu sư. Klaih kơ noh đĭ-đăng kơ lu sư huch.

Markôs 14:25

Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bok Kei-Dei pơgơ̆r ning-mônh 'mơ̆i, na Inh gô huch đak hơmu 'nao.”

Markôs 15:23

Lu sư ăn kơ Yêsu sik bơlŭ hăm pơgang sơmren, mă-lei Sư ưh kơ et ôh.

Markôs 9:1

Inh khan kơ iĕm tơpă, đei lăm lu iĕm âu mơ'nah ưh tam lôch ôh, lu sư gô 'bôh tơdrong 'Bok Kei-Dei pơgơ̆r hăm tơdrong mơsêh mơyang Sư.

Luka 21:31

Na tơdrong Inh roi kơ iĕm noh hei kư̆m lei-lăi mơ̆n. Ning-mônh lăp iĕm 'bôh dôm tơdrong Inh roi kơ iĕm noh, iĕm băt kơ 'Bok Kei-Dei wă pôk Inh jur pơm Pơtao iĕm boih.

Luka 22:16

Inh khan kơ iĕm tơpă, Inh ưh pă đei sŏng sa tơdrong Giĕng Năm Brih thoi âu boih tơ̆p mă truh tơ năr 'Bok Kei-Dei pơgơ̆r ning-mônh 'mơ̆i, na sa dơ̆ng. Kơplah ei kơnh kon bơngai gô klaih rơngei tơpă.”

Luka 9:27

Inh khan kơ iĕm tơpă, đei lăm lu iĕm âu mơ'nah ưh tam lôch ôh, lu sư gô 'bôh tơdrong 'Bok Kei-Dei pơgơ̆r tơpă.”

Kôlôsê 1:13

'Bok Kei-Dei dŏng pơklaih bơ̆n đơ̆ng yang kơnê̆ pơgơ̆r mă oei lăm măng mu, na anhăk ba bơ̆n oei tơ anih Kon Sư pơgơ̆r mă Sư 'mêm kơdih.

Lu 9:13

Mă-lei tơm 'long hơmu tơl: Inh gô hŭt lê̆ đak sik băt 'ngam inh, noh sik mă ăn kơ lu Yang păng kon bơngai chơt hiôk na năm hơtŭt 'bơm wă pơgơ̆r lu 'long hă?