Luka 22:12 - Sơ̆p Hlabơar Nơ̆r 'Bok Kei-Dei

¹² Biĕm apinh sư thoi noh, sư gô tơ'bôh kơ biĕm minh pôm anih să tôch tơ kơpal ti, đei bơ̆n gơ'bang tang-dŏ sư hơmet lê̆ tôm boih, na biĕm hơmet kơ bơ̆n tơmam sa tơ ei.”

Luka 22:12 Iomraidhean Croise

Luka 22:11

Na biĕm apinh tơ'ngla hnam noh thoi âu: ‘'Bok Thây athei nhi jet ih, tơ yơ anih Sư wă sŏng sa kơ Năr Giĕng Năm Brih, lu bơngai pơhrăm păng Sư kư̆m wă sŏng sa hơdai hăm Sư mơ̆n?’

Luka 22:13

Thoi noh boih na Pêtrôs hăm Yôhan năm tơ Pơlei Jêrusalem 'bôh tơpă dôm tơdrong Yêsu pơkă noh hei. Na bre sư hơmet lê̆ tơmam sŏng sa kơ Năr Giĕng Năm Brih tơ ei hloi.

Yo 2:25

yua kơ Sư băt rim 'nu lăm jơhngơ̆m kon bơngai lăm to sư thoi yơ. Na Sư huay kơ kăl kơ đe roi ăn kơ Sư bơngai âu thoi yơ, bơngai 'noh thoi yơ ôh.

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Jang 1:13

Lăp lu sư truh tơ Pơlei Jêrusalem boih na lu sư tŏk tơ hnam anih gah kơpal. Na anăn lu sư oei tơ ei: Pêtrôs, Yôhan, Yakơ, Andrê, Philip, Thôm, 'Barthôlêmi, Mathiơ, Yakơ kon Alphê, Simôn mă kiơ̆ khŭl đe Sêlôt sơ̆, Juđa kon Yakơ bơngai nai.

Jang 20:8

Nhôn akŭm tơ anih hnam gah kơpal. Lăm ei đei ŭnh kơđeng lơ.