Luka 21:7 - Sơ̆p Hlabơar Nơ̆r 'Bok Kei-Dei

⁷ Lu sư jet Yêsu: “Ơ 'Bok Thây, apinh Ih roi kơ nhôn layơ đe wă pơrăm hnam akŭm 'Bok Kei-Dei tơm păng wă kơ nhôn băt tơdra thoi yơ tơdrong noh gô truh.”

Luka 21:7 Iomraidhean Croise

Da 12:6

Minh 'nu bơngai apinh bơngai hrŭk ao che brai se oei dơ̆ng kơpal đak glung, thoi âu: Truh năr tôch lu tơdrong hlĭch 'nâu hăm pă đunh?

Da 12:8

Inh, Đaniel, kơtơ̆ng dôm lu tơdrong noh, mă-lei inh ưh kơ hlôh. Păng inh khan thoi âu: Ơ! Kră Yang 'Bok Kei-Dei inh, tuch-luch kơ lu tơdrong 'nâu gô jing thoi yơ?

Mathiơ 24:3

Đơ̆ng rŏng kơ noh Yêsu năm ngôi tơ kông Ôliwơ, na lu bơngai pơhrăm păng Sư jet Sư kơdrô̆ khan: “Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng đei tơdra liơ wă kơ nhôn kơnăl kơ Ih wă jur tơ teh âu păng kơnăl kơ năr tôch wă truh.”

Markôs 13:14

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Na bu đŏk lăng hla bơar âu đon sư athei pơwao kơdih. Lu iĕm bơngai mă oei tơ dêh Juđê 'bôh thoi noh iĕm athei jăk tơ kông ataih đơ̆ng lu sư hloi.

Luka 21:32

Inh khan kơ iĕm tơpă, jơhnơr noh gô 'bôh tơpă tôm tơdrong Inh roi kơ iĕm noh hei.

Luka 21:6

Na Yêsu khan: “Iĕm 'bôh boih hnam akŭm tơm âu 'lơ̆ng rŏ mă-lei ning-mônh hnam âu gô pơchah reng 'beng ưh pă đei tơmo ayơ tơklep băl dơ̆ng. Đe gô teh pơchah đĭ.”

Luka 21:8

Na Yêsu khan: “Iĕm athei kơchăng kơdih hli kơ đe wă pơhlŭ pơlung iĕm kiơ̆ sư. Ning-mônh gô đei lơ bơngai truh, na lu sư anăn măt Inh khan sư kơdih 'Bok Krist păng khan wă jê̆ truh năr tôch boih. 'Noh iĕm 'nĕ kiơ̆ kơ lu sư hŏ.