Luka 21:34 - Sơ̆p Hlabơar Nơ̆r 'Bok Kei-Dei

^34-35 “Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

Luka 21:34 Iomraidhean Croise

Bl 19:32

Ba athei hling tơdrô pôk gai 'bă păng 'bĭch hăm sư wă kơ đei adrĕch adrung đơ̆ng 'bă.”

Bl 19:35

Măng noh bre sư tuh tơdrô gai 'bă bre sư dơ̆ng, đơ̆ng noh oh sư iung năm 'bĭch hăm 'bă sư. Mă-lei 'bă sư ưh kơ băt hloi kơ kon sư năm 'bĭch layơ, iung weh dang yơ.

Bl 27:14

Thoi noh, Jakôp năm rôp 'bar tŏ kon bơbe, năm ba kơ mĕ sư, hơmet pơm 'nhĕm 'lơ̆ng, kiơ̆ thoi hơlŏng 'bă sư lăp 'maih sa.

Horiso 35:8

Ăn tơdrong răm truh kơ lu sư ưh kơ tam băt. Rŏ kơ hơnhuăl lu sư dăng 'leh lu sư kơdih. Ăn kơ lu sư huŏng tơ sơlŭng noh păng lôch đĭ.

Tơdrông Pơđơk 21:4

Măt lăng pơrŏ, păng jơhngơ̆m pơang, Ŭnh kơđeng lu bơngai kơnê̆, tă kơ yoch ngăl.

Tơdrông Pơđơk 23:20

'Nĕ pơm juăt hăm lu bơngai suai sik, dah hăm lu bơngai sa dư kơhô.

Bôk Bơthô 9:12

Ưh kơ đei bu băt ôh layơ sư lôch thoi ka đom lăm hơnhuăl, thoi sem 'leh hơđong, kư̆m thoi noh mơ̆n, kon bơngai bơ̆n đom lăm năr tơdrong truh, 'bôh 'băi truh hloi ưh kơ tam băt.

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Hôsia 4:11

Sik hơmu so păng sik hơmu 'nao pơm tơhiong lê̆ tơdrong hơgei lu sư.

Lêwi 10:9

Layơ mă ih păng lu kon drŏ-nglo ih mơ̆t lăm Bơsŭn Anih Akŭm 'nĕ kơ et sik hơmu păng huch tơmam kiơ mă pơm kơ iĕm suai kơnh hli kơ iĕm lôch. Tơdrong noh jing tơdrong juăt tơtă ling-lang lăm đĭ jơhnơr lu iĕm.

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Markôs 13:9

“Păng iĕm athei kơchăng kơdih yua kơ đe gô rôp iĕm jao kơ lu kră sek tơlang. Đe gô tôn teh iĕm tơ lăm hnam akŭm đe Juđê. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh, na iĕm kư̆m gơh ră roi kơ lu sư băt kơ inh.

Markôs 4:19

Mă-lei lu sư wă tơchĕng tơdrong arih sư kăl hloh. Sư wă kơ mơdrŏng; păng 'nhĕng lơ tơdrong âu tơdrong to. Thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Luka 10:41

Na Kră Yang Yêsu khan thoi âu: “Ơ Mathê, ih mah tơchĕng kiơ kơ dôm tơdrong jang noh dêh?

Luka 12:40

Na iĕm athei kơchăng 'nĕ kơ thoi bơngai noh, hli kơ Inh Kon Bơngai wă jur tơ iĕm dơ̆ng kơplah iĕm ưh kơ lêng ê.”

Luka 17:3

Na iĕm athei kơchăng. Dah 'nhŏng oh iĕm pơm yoch kơ iĕm, lei iĕm athei bơtho khan kơ sư. Dah sư lung iĕm mơnat tơdrong yoch sư, lei iĕm 'nĕ pă jô̆ yo kơ sư.

Luka 21:8

Na Yêsu khan: “Iĕm athei kơchăng kơdih hli kơ đe wă pơhlŭ pơlung iĕm kiơ̆ sư. Ning-mônh gô đei lơ bơngai truh, na lu sư anăn măt Inh khan sư kơdih 'Bok Krist păng khan wă jê̆ truh năr tôch boih. 'Noh iĕm 'nĕ kiơ̆ kơ lu sư hŏ.

Luka 8:14

Lu găr mă huŏng 'bơ̆t 'nhĕt jơla wă pơtih gia kơ lu bơngai kơtơ̆ng đe bơtho nơ̆r 'Bok Kei-Dei ră, mă-lei lu sư wă tơchĕng tơdrong arih sư kăl hloh, sư wă kơ mơdrŏng, hiôk jơnap tơ ala teh đĕch. Thoi noh na sư jing ưh kơ plei.

I Kor 5:11

Kơthơ inh chih kơ iĕm ki, inh khă kuă ăn iĕm tơbôl păng bơngai mă lui ră, mă sư ưh kơ kiơ̆ tơdrong lui tơpă. Sư oei pơm pơyô kư̆ kă, sư oei 'nhĕng kơ mŭk tơmam đe, sư kơkuh kơ rup yang, sư oei hiĕk achơ̆ kơ đe ling-lang, sư oei et sik suai, sư oei tơtông mŭk tơmam đe; dôm lu bơngai thoi noh inh kuă ăn iĕm tơbôl păng kuă ăn sŏng sa hơdai.

I Kor 6:10

lu bơngai tơtông, lu bơngai 'nhĕng kơ mŭk tơmam đe, lu bơngai et sik suai, lu bơngai oei hiĕk achơ̆ kơ đe, iĕm 'nĕ ngêh lu sư gơh tŏk oei tơ dêh char 'Bok Kei-Dei ôh.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

Both 29:19

Bơngai bu kơtơ̆ng dôm nơ̆r pơkă pơkăm lăm tơdrong pơgơ̆p 'nâu, 'nĕ sơkat pŭn hiôk kơdih 'nâu, 'nĕ kơ đei lăm jơhngơ̆m tơchĕng khan: Inh gô oei arih sa kiơ̆ tơdrong inh kơdih kư̆m bưh, huay kơ đei kiơ. Pơm thoi noh pơrăm iĕm kư̆m thoi teh hơiuh hăm teh hrĕng kro.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

II Pet 3:10

Gah tơdrong Kră Yang Yêsu Krist wă jur, Sư wă jur tơpă, mă Sư wă jur thoi bơngai tơtông ưh kơ ăn đe băt. Kơplah noh kơnh plĕnh gô đôh hiong đĭ minh 'măng, re jơwa dêh, pă băt dang yơ. Ŭnh gô sa kơngla kơdơ̆r jơ̆p teh, teh jing hiong pă 'bôh kiơ. Lu sơnglŏng, khei păng đĭ dôm tơmam ala teh kư̆m lek hiong lei-lăi.

II Pet 3:14

Ơ 'nhŏng oh mă inh 'mêm kơeng, kơlih kơ thoi noh na kơplah bơ̆n oei chang gô năr noh, bơ̆n athei adrin pơm 'lơ̆ng ling-lang hŏ, wă kơ Sư 'bôh tơdrong iĕm adrin păng 'bôh tơdrong iĕm pơm 'lơ̆ng huay kơ đei tơdrong yoch, oei hiôk dih băl kư̆m dang oei hiôk hăm Sư mơ̆n.

Tơdrông Tơ'bôh 3:3

Thoi noh na iĕm athei 'blŏk hơdơ̆r kơ dôm tơdrong iĕm kơtơ̆ng đe bơtho iĕm sơ̆ thoi yơ, iĕm athei pơm kiơ̆ thoi noh păng tơbral kơdih dôm tơdrong yoch mă iĕm juăt kơ pơm. Dah iĕm ưh kơ adrin pơjăng 'biơ̆, lei Inh gô năm tơ iĕm thoi bơngai tơtông kơmăng, pơm kơ iĕm đei tơdrong gleh truh kơplah iĕm ưh kơ lêng ê.

I Sam 25:36

Wă Abigail brŏk truh tơ Nabal, na 'bôh Nabal oei et sa tih lăm hnam sư, et sa tih nhen thoi pơtao mơ̆n. Nabal đei jơhngơ̆m hiôk chơt păng suai dêh. Abigail ưh kơ đei roi ăn kơ sư băt dôm tơdrong kiơ tih dah iĕ, gô truh kơ pơgê.