Luka 21:23 - Sơ̆p Hlabơar Nơ̆r 'Bok Kei-Dei

²³ Kơplah ei kơnh, lu bơngai drŏ-kăn akâu kơhioh păng lu bơngai drŏ-kăn tơmŏm kon, lu sư pơmat-tat dêh. Gô đei tơdrong anat anot gleh tơpă yua kơ 'Bok Kei-Dei wă phak lu bơngai Juđê âu.

Luka 21:23 Iomraidhean Croise

Nhom 4:10

Lu drŏ-kăn oei đei jơhngơ̆m mơnat, kư̆m hơtŭk sa lu kon sư kơdih. Pơm tơmam sa 'bơ̆t năr kon adruh pơlei sư đe pơrăm.

Da 8:19

Bơngai noh khan kơ inh thoi âu: 'Nâu Inh gô roi ăn kơ ih băt tơdrong wă truh kơ năr tôch kơnh, tơdrong hil yua kơ tơdrong âu wă truh pơsĭt kơ năr tôch.

Mathiơ 21:16

Na lu sư năm khan kơ Yêsu: “Ih hăm kơtơ̆ng lu đe hơ'lơ̆p pơma ei?” Yêsu khan: “Kơtơ̆ng. Bĭ iĕm tam mă đŏk lăng ôh hă đe chih roi tơdrong 'Bok Kei-Dei thoi âu: Ơ Kră Yang, Ih ăn kơ lu hơ'lơ̆p păng lu bơngai nge băt pơma bơnê ư-ang kơ Ih?”

Mathiơ 21:41

Na đe khan: “Sư gô pơlôch đĭ lu bơngai pơm kơnê̆ noh, na ăn kơ bơngai nai jang dơ̆ng, na lu bơngai jang mơng đơ̆ng rŏng noh gô klah asong sư plei hơmu tơpă.”

Mathiơ 21:44

Tơmo mă iĕm kuă noh, dah bơngai bu huŏng hơtat 'bơ̆t tơmo noh, bơngai noh gô tơgơ̆ jơ̆ng ti sư păng pơchah kơ̆l sư. Dah tơmo noh huŏng 'bơm bơngai bu, akâu bơngai noh gô pơchah hĕch hoch thoi 'mui teh.”

Mathiơ 24:19

Kơplah ei kơnh lu bơngai drŏ-kăn akâu kơhioh păng lu bơngai drŏ-kăn tơmŏm kon lu sư pơmat-tat dêh.

Markôs 13:17

Kơplah ei kơnh, lu bơngai drŏ-kăn akâu kơhioh păng lu bơngai drŏ-kăn tơmŏm kon, lu sư pơmat-tat dêh.

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Luka 19:43

“Ning-mônh lu bơngai ayăt kơ iĕm gô wang tăp dăr kơ pơlei iĕm. Lu sư gô pơgăn trong iĕm păng ưh kơ ăn iĕm jăk achăng pơlei iĕm ôh.

Luka 23:29

Yua kơ ning-mônh gô đei tơdrong anat anot truh tơpă na đe gô khan thoi âu: ‘Lu bơngai akâu pôm păng lu bơngai ưh kơ lah đei kon, lu sư đĕch hiôk.’

I Kor 7:26

Yua kơ dang ei kư̆m đei boih tơdrong gleh truh, na inh tơchĕng athei iĕm oei hơnơ̆ng thoi krô đĕch 'nĕ kơ pơm phara tơdrong kiơ.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.

Hêbrơ 13:16

Iĕm 'nĕ hiơt kơ tơdrong pơm 'lơ̆ng kơ đe, iĕm athei ra tơmam iĕm kơdih wă tơgŭm lu 'nhŏng oh dơnuh. Tơdrong noh kư̆m dang ra tơmam soi mơ̆n, wă pơhiôk kơ 'Bok Kei-Dei.

Ya 5:1

Ơ lu bơngai mơdrŏng, mơ̆ng bĕ. Trŏ kơ iĕm nhơ̆m hmoi bĕ, mă iĕm nhơ̆m hmoi lê̆ hơdrol lăp boih, yua kơ dôm tơdrong gleh pơmat wă truh kơ iĕm.

I Pet 4:17

Dang ei 'Bok Kei-Dei wă pơtơm ăn tơdrong gleh kơ kon bơngai. Sư ăn kơ lu kon Sư adrol 'mơ̆i, wă pơlong lăng tơdrong lui lu sư thoi yơ. Klaih kơ noh na Sư ăn tơdrong gleh truh kơ lu bơngai mă kuă kơ lui kơ tơdrong 'nao 'lơ̆ng Sư. Tơdrong gleh lu sư noh kơtang tơpă, kơtang hloh kơ tơdrong gleh lu bơ̆n đei dang ei.