Luka 21:18 - Sơ̆p Hlabơar Nơ̆r 'Bok Kei-Dei

¹⁸ Mă-lei gah tơdrong arih ling-lang, iĕm ưh kơ hiong kiơ ôh, mă khan minh dăng sŏk kư̆m ưh kơ hiong mơ̆n.

Luka 21:18 Iomraidhean Croise

II Sam 14:11

Drŏ-kăn ei khan dơ̆ng: “Apinh pơtao krao apinh Kră Yang 'Bok Kei-Dei ih găn wă kơ lu bơngai pơm 'mong huay kơ iung kơting ưh pă pơrăm păng pơlôch kon drŏ-nglo inh.” Pơtao tơl: “Inh pao anăn Kră Yang arih ling-lang na pơkă khan, minh ioi sŏk đơ̆ng kơ̆l kon drŏ-nglo ih gô ưh kơ đei hơlŭng tơ teh!”

Mathiơ 10:30

Sŏk bơ̆n Sư jô̆ băt tôm.

Luka 12:7

Mă sŏk bơ̆n 'Bok Kei-Dei kư̆m jô̆ băt tôm. Thoi noh na iĕm 'nĕ kơ hli. 'Bok Kei-Dei 'mêm kơ iĕm hloh kơ sư 'mêm kơ sem rĕch.

Luka 21:17

Đĭ-đăng kơ bơngai gô areh arĕnh kơ iĕm yua kơ iĕm lui kơ Inh.

Jang 27:34

Na dang ei inh wă kơ bơ̆n sŏng sa wă kơ bơ̆n pran huay kơ rơmơ̆n. Iĕm 'nĕ pă mah hli dêh hŏ, inh băt ưh kơ đei bu jĭ kiơ ôh.”

I Sam 14:45

Mă-lei kon pơlei tơl Sôl khan: Ưh ôh! Jônathan jơ̆ bơngai pơm ăn boih kơ bơngai Isơrael kĕ jei dang 'noh, liơ mă gơh trŏ kơ lôch? Tơdrong 'noh ưh kơ gơh! Nhôn apinh Kră Yang arih na pơm kơdranh kơ bơ̆n pơkă khan mă minh ioi sŏk kơpal kơ̆l sư kư̆m ưh kơ đei hơlŭng tơ teh; sư mă gơh kĕ jei năr âu noh đơ̆ng Kră Yang 'Bok Kei-Dei tơgŭm sư. Thoi noh kon pơlei dŏng Jônathan klaih đơ̆ng tơdrong wă pơlôch.

I Sam 25:29

Tơdah đei bu wă iung pơm kơnê̆ păng pơrăm tơdrong arih ih Kră Yang 'Bok Kei-Dei ih gô bơwei tơdrong arih lăm hơnŭng lu bơngai arih; gah tơdrong arih lu bơngai ayăt kơ ih, Kră Yang gô klơ̆m tŭk lê̆ mă ataih thoi hră prah 'brơ̆m tơmo.