Luka 21:16 - Sơ̆p Hlabơar Nơ̆r 'Bok Kei-Dei

¹⁶ “Lu mĕ 'bă iĕm hăm 'nhŏng oh iĕm păng kơtum kơtŏng iĕm, bôl juăt iĕm, gô jao iĕm ăn kơ đe kră sek tơlang, na lu iĕm mơ'nah sư gô pơlôch.

Luka 21:16 Iomraidhean Croise

Je 12:6

Lu 'nhŏng oh ih adrĕch adrung 'bă ih, mă lu sư kư̆m jreo tơkĕch wă pơm kơ ih. 'Nĕ kơ gơnang kơ lu sư, mă khan lu sư pơma hiôk hăm ih ră.

Je 9:4

“Ăn kơ rim 'nu kơchăng kơ rông 'bôt sư, 'nĕ kơ lui gơnang kơ lu 'nhŏng oh; yua kơ 'nhŏng noh gô hơlĕnh pơdăr kơ 'nhŏng oh sư. Lu rông 'bôt chă pơma kơnê̆ sơlam băl.

Mathiơ 10:21

“Gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao ăn kơ đe pơlôch.

Markôs 13:12

Kư̆m gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao bre sư ăn kơ đe pơlôch.

Luka 12:53

Pơtih gia lu sư gô tơklah dih băl thoi âu: 'Bă sư mă ưh kơ lui kơ Inh gô areh kơ kon sư mă lui kơ Inh; phŏ kon sư ưh kơ lui kư̆m gô areh kơ 'bă sư mă lui. Mĕ sư mă ưh kơ lui gô areh kơ kon sư mă lui; phŏ kon sư ưh kơ lui gô areh kơ mĕ sư mă lui. Tơnei sư mă ưh kơ lui gô areh kơ mai sư yua kơ sư lui kơ Inh; phŏ mai sư mă ưh kơ lui gô areh kơ tơnei sư mă lui.”

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Luka 21:17

Đĭ-đăng kơ bơngai gô areh arĕnh kơ iĕm yua kơ iĕm lui kơ Inh.

Jang 12:2

Na sư koh pơlôch Yakơ 'nhŏng kơ Yôhan.

Jang 7:59

Klaih kơ noh lu sư klơ̆m Êtien păng tơmo, wă kơ Êtien lôch. Lăp đơ̆ng ei, Êtien sư krao khan thoi âu: “Ơ Kră Yang Yêsu, apinh Ih iŏk bơhngol inh.”

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.

Tơdrông Tơ'bôh 2:13

‘Inh băt mơ̆n tơ pơlei iĕm noh đei yang Satan pơgơ̆r pơm pơtao. Mă-lei iĕm oei lui kơ Inh khŏm khŏm ưh kơ đei sơngah khan ưh kơ lui kơ Inh ôh. Na sơ̆ đe pơlôch buăl iĕm Antipa tơ pơlei iĕm, pơlei mă Satan pơgơ̆r. Antipa sư bơngai ră roi kơ đe tơdrong Inh tơpăt ling-lang ưh kơ layơ achăng lê̆ Inh. Na kơplah đe mă pơlôch sư sơ̆, iĕm kư̆m ưh kơ sơngah kơ Inh.

Tơdrông Tơ'bôh 6:9

Lăp Kon Triu hek tơdra mă pơđăm, na inh 'bôh bơhngol lu bơngai lôch, lu sư oei tơ ala kơ chơnang soi lơlap lơlang. Lu bơngai noh sơ̆ đe pơlôch yua kơ lu sư ră roi tơdrong 'Bok Kei-Dei.