Luka 20:5 - Sơ̆p Hlabơar Nơ̆r 'Bok Kei-Dei

⁵ Na lu sư pơđâu băl khan: “Bơ̆n wă khan kơ Sư thoi yơ? Dah bơ̆n khan đơ̆ng 'Bok Kei-Dei, lei Sư khan: ‘Iĕm kuă kơ kiơ lui kơ Yôhan bơtho?’

Luka 20:5 Iomraidhean Croise

Mathiơ 16:7

Lu bơngai pơhrăm păng Sư ưh kơ hlôh tơdrong Sư pơma na lu sư tơkhan dih băl: “Sư pơma thoi noh băt Sư jô̆ kơ bơ̆n hiơt kơ chĕp 'bĕng mi kơlĕ.”

Mathiơ 21:25

Bĭ tơdrong Yôhan pơm kơ đe 'batem noh sơ̆ đơ̆ng bu ăn, đơ̆ng 'Bok Kei-Dei dah đơ̆ng kon bơngai?” Na lu sư pơđâu băl khan: “Bơ̆n wă khan kơ Sư thoi yơ? ‘Dah bơ̆n khan đơ̆ng 'Bok Kei-Dei,’ lei Sư khan: ‘Iĕm kuă kơ kiơ lui kơ Yôhan bơtho?’

Luka 20:6

Dah bơ̆n khan đơ̆ng kon bơngai, lei hli kơ lu kon pơlei klơ̆m bơ̆n păng tơmo, yua kơ lu sư lui kơ Yôhan bơngai pơtruh nơ̆r 'Bok Kei-Dei tơpă.”

Yo 1:30

'Bok 'noh boih inh krô nŏng roi kơ iĕm: ‘'Bok mă truh đơ̆ng rŏng kơ inh Sư tih hloh kơ inh tơpă; inh tơpŭ sơ̆, Sư đei hơdrol loi kơ inh boih.’

Yo 1:34

Inh 'bôh tơpă Yang Bơhngol 'Lơ̆ng jur oei kơpal minh 'nu bơngai, na inh khan kơ iĕm tơpăt, bơngai 'noh boih Kon 'Bok Kei-Dei tơpă.”

Yo 3:26

Lu bơngai pơhrăm păng Yôhan năm tơ Yôhan păng khan: “Ơ 'bok thây, 'Bok mă oei hơdai hăm ih pah to krong Jôrđăn, bơngai mă ih khan Sư Kon 'Bok Kei-Dei, dang ei Sư kư̆m pơm kơ đe 'batem. Đĭ-đăng bơngai năm kơdih kơdih tơ Sư.”

Yo 3:36

Bơngai bu lui kơ Kon Sư, bơngai 'noh sư gô oei hơdai hăm 'Bok Kei-Dei arih ling-lang. Bơngai bu ưh kơ lui yom kơ Kon Sư, bơngai 'noh sư ưh kơ đei arih ling-lang ôh. 'Bok Kei-Dei hil kơ sư tơpă păng sĭt gô phak sư ning-mônh.”

Jang 13:25

Lăp Yôhan pơm wă jê̆ keh tôm tơdrong jang sư boih, na sư khan: ‘Iĕm ngêh kơ inh bu? Ưh kơ sĭ iĕm chang gô inh ôh, iĕm chang gô Bơngai wă truh đơ̆ng rŏng kơ inh kơnh. Sư 'Bok tih tơpă. Dah Sư athei inh yaih ăn tơlei chơkhŏ Sư, inh kư̆m ưh kơ hơnhŏ mơ̆n, mă ưh kơ pơ̆n ngơk lăng Sư ôh.’