Luka 20:21 - Sơ̆p Hlabơar Nơ̆r 'Bok Kei-Dei

²¹ Lu bơngai noh khan kơ Yêsu: “Ơ 'Bok Thây, nhôn băt kơ Ih bơtho tơpăt tơpă. Ih ưh kơ hli kơ bu ôh. Ih lăng lu bơngai pơm tih hăm bơngai iĕ kư̆m lei-lăi ngăl păng Ih ling-lang bơtho tơpăt gah tơdrong 'Bok Kei-Dei.

Luka 20:21 Iomraidhean Croise

II Ho 19:7

Thoi noh, na hli yom bĕ kơ Kră Yang athei sek tơlang mă 'lơ̆ng, yua kơ Kră Yang lu bơ̆n Sư tơpăt, ưh kơ mơ̆t minh pah, ưh kơ đei pơdê bu kư̆m ưh kơ đei iŏk jên đe răt.”

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Horiso 12:2

Lu sư pơma hơlĕnh pơdăr pơma tơduă lu sư, 'bơ̆r pơma pơ'brơh jơhngơ̆m 'bar trong nơ̆r pơma.

Horiso 55:21

'Bơ̆r lu sư pơma rơbơ̆r hloh kơ rơmă. Mă-lei lăm jơhngơ̆m lu sư chă tơdrong tơblah. Nơ̆r lu sư rơngơp hloh kơ rơmă, mă-lei nhen đao toh boih đơ̆ng hơnglop.

Mathiơ 22:16

Lu sư wơh buăl lu sư năm hơdai khŭl pơtao Hêrôt năm jet Yêsu thoi âu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang.

Markôs 12:14

Lu sư roi kơ Yêsu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang. Na nhôn apinh Ih khan kơ nhôn, kiơ̆ kơ tơdrong juăt bơ̆n bơngai Juđê, bơ̆n hăm gơh ăn jên thuê̆ kơ Sêsar pơtao đe Rôm dah ưh?”

Luka 20:20

Lu sư lăng tông Yêsu ling-lang wă chă tơdrong gơh rôp Sư. Lu sư wơh bôl sư năm tơ Yêsu pơm thoi bơngai tơpăt na sư jet pơlong Yêsu. Dah Yêsu pơma khă gah tơdrong juăt teh đak, lu sư wă rôp anhăk pơjao ăn kơ 'bok tih sek tơlang.

Luka 20:22

Na nhôn apinh Ih khan kơ nhôn, kiơ̆ kơ tơdrong juăt bơ̆n bơngai Juđê, bơ̆n hăm gơh ăn jên thuê̆ kơ Sêsar, pơtao đe Rôm mă pơgơ̆r bơ̆n dah ưh?”

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.

Galati 2:6

Lu bơngai đe pôk pơm tih pơgơ̆r bơngai lui, inh băt mơ̆n lu sư oei hơdai Yêsu sơ̆, mă-lei 'Bok Kei-Dei pơgơ̆p jơhngơ̆m đon lu nhôn lei-lăi đĕch, lu sư ưh kơ đei wă ming tơplih tơdrong inh bơtho ôh.