Luka 20:11 - Sơ̆p Hlabơar Nơ̆r 'Bok Kei-Dei

¹¹ Na 'bok tơ'ngla mir noh wơh dơ̆ng minh 'nu đĭch sư, mă-lei lu bơngai jang mơng mir hơmu noh kư̆m oei tôn teh păng pơma kơnê̆ kơ sư, tơbrŏk sư hoh hoh đĕch mơ̆n.

Luka 20:11 Iomraidhean Croise

Hôsia 10:1

Bơngai Isơrael sơ̆ thoi minh tơnơm hơmu hơdrih 'lơ̆ng, plei sư trem. Lăp plei sư rai trem lơ, lu sư kư̆m pơdơ̆ng chơnang soi rai lơ; kiơ̆ thoi lu sư chăt rai lơ rai mơdrŏng lăm char sư, lu sư pơm rup yang rai lơ thoi noh mơ̆n.

Markôs 12:4

Na 'bok tơ'ngla mir noh wơh dơ̆ng minh 'nu đĭch sư, mă-lei lu bơngai jang mơng mir hơmu noh pơma kơnê̆ kơ sư, tôn teh kơ̆l sư.

Luka 20:10

Lăp trŏ kơ bơyan plei hơmu đum boih, na sư wơh minh 'nu đĭch sư năm tơ lu bơngai jang mơng mir hơmu noh wă iŏk plei hơmu mă đei 'măn kơ tơ'ngla sư. Mă-lei lu bơngai jang mơng mir plei hơmu noh rôp tôn teh tơbrŏk sư hoh hoh đĕch.

Luka 20:12

“'Bok tơ'ngla mir hơmu noh wơh dơ̆ng minh 'nu bơngai jang kơ sư mă pêng. Lu bơngai jang mơng mir hơmu noh oei pơm kơnê̆ lei-lăi tôn teh pơjĭ sư, pơpuh sư brŏk hoh hoh đĕch mơ̆n.

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.