Luka 20:10 - Sơ̆p Hlabơar Nơ̆r 'Bok Kei-Dei

¹⁰ Lăp trŏ kơ bơyan plei hơmu đum boih, na sư wơh minh 'nu đĭch sư năm tơ lu bơngai jang mơng mir hơmu noh wă iŏk plei hơmu mă đei 'măn kơ tơ'ngla sư. Mă-lei lu bơngai jang mơng mir plei hơmu noh rôp tôn teh tơbrŏk sư hoh hoh đĕch.

Luka 20:10 Iomraidhean Croise

I Pot 22:24

Kơplah noh Sêđekia, kon drŏ-nglo Kênaana, năm jê̆ Mikai, tap tơ'bŏk sư, na khan: “Yang bơhngol Kră Yang lĕch đơ̆ng inh trong ayơ, mă năm khan kơ ih?”

II Pot 17:13

Mă-lei Kră Yang yua 'bơ̆r lu bơngai khan lê̆ adrol păng băt lê̆ adrol na lu sư bơtho khan kơ lu bơngai Isơrael păng lu bơngai Juđa băt: “Weh bĕ đơ̆ng trong kơnê̆ lu iĕm, athei wei răk nơ̆r Inh tơtă, păng wei răk tơdrong juăt Inh, kiơ̆ thoi dôm tơdrong juăt Inh tơtă mă Inh yua bơih 'bơ̆r lu bơngai khan lê̆ adrol bơngai đĭch đam Inh na bơtho kơ lu yă 'bok lu iĕm.”

I Ho 19:4

Thoi noh Hanun rôp lu jơ̆ng 'bang Đawit hơkôih lê̆ sŏk kang, hăm kăt lê̆ ao sư minh puăt truh tơ kơiĕng đang kơ noh tơbrŏk lu sư wih.

II Ho 16:10

Asa sư hil kơ bơngai khan lê̆ adrol noh dêh na rôp phak. Kơplah noh Asa kư̆m pơm kơnê̆ kơ lu kon pơlei hai.

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Ne 9:30

Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 20:2

Phashur rôp teh tôn Jêrêmi bơngai khan lê̆ adrol, hơnuh lê̆ jơ̆ng sư 'bơ̆t 'Măng Jang kơpal Bênjamin gah hnam akŭm Kră Yang.

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Je 5:24

Lu sư ưh kơ đei khan ôh lăm jơhngơ̆m lu sư: ‘Lu bơ̆n athei hli yom kơ Kră Yang 'Bok Kei-Dei bơ̆n, Tơ'ngla mă ăn đak 'mi trŏ kơ bơyan sư. Bơyan 'mi păng bơyan puih, Ăn kơ bơ̆n kư̆m oei bơwei năr giĕng lăm bơyan kĕch yuă.’

Luka 13:34

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Luka 20:11

Na 'bok tơ'ngla mir noh wơh dơ̆ng minh 'nu đĭch sư, mă-lei lu bơngai jang mơng mir hơmu noh kư̆m oei tôn teh păng pơma kơnê̆ kơ sư, tơbrŏk sư hoh hoh đĕch mơ̆n.

Luka 20:9

'Blă kơ noh Yêsu bơtho pơtih gia kơ lu kon pơlei pơla thoi âu: “Đei minh 'nu bơngai pơm mir wă pơtăm plei hơmu. Sư pơtăm đang boih na ăn kơ đe jang mơng, na tơ'ngla sư năm oei tơ dêh nai đunh tơpă.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Rom 7:4

Ơ 'nhŏng oh, tơdrong noh wă pơtih gia kơ bơ̆n dang bơ̆n lôch kiơ̆ Yêsu tơ 'long pơglang sơ̆ boih, na bơ̆n huay pă wă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă dơ̆ng ôh. Yua kơ dang bơ̆n iŏk bơngai nai boih, wă khan bơ̆n iŏk Yêsu Krist mă 'Bok Kei-Dei tơiung arih đơ̆ng lôch. Dang ei bơ̆n jang tơdrong Sư dang bơ̆n pơyua 'Bok Kei-Dei boih.