Luka 2:9 - Sơ̆p Hlabơar Nơ̆r 'Bok Kei-Dei

⁹ Minh 'nu linh jang 'lơ̆ng Kră Yang năm tơ'bôh kơ lu sư. Tơdrong mơsêh mơyang pơchrang hơdah tăp dăr kơ lu sư. Lu sư hli tơtey.

Luka 2:9 Iomraidhean Croise

I Pot 8:11

Lu 'bok soi ưh kơ gơh dơ̆ng 'bơ̆t anih noh wă jang, yua kơ tơdrong hơdah rang mơnhal păng hơmơ̆l 'bĕnh kơ Hnam akŭm Kră Yang.

Le 16:10

Kơplah Arôn oei pơma hăm kon pơlei Isơrael, lu sư lăng tơ gah tơmăn glă, 'bôh tơdrong ư-ang rang hơdah tih Kră Yang tơ hơmơ̆l.

Le 16:7

Na pơgê dơning lu iĕm gô 'bôh tơdrong ư-ang tih Kră Yang, yua kơ Sư kơtơ̆ng boih nơ̆r lu iĕm hil jŏk kơ Sư, lu nhôn âu bu na mă lu iĕm mah hil jŏk kơ lu nhôn?

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Êsai 40:5

Kơplah noh tơdrong ư-ang Kră Yang gô pơdah păng đĭ-đăng kon bơngai gô lăng 'bôh; yua kơ 'bơ̆r Kră Yang pơma bơih thoi noh.

Êsai 60:1

Iung bĕ pơchrang bĕ! Yua kơ tơdrong hơdah ih truh bơih, păng tơdrong ư-ang Kră Yang pơchrang kơpal ih.

Êsêkiên 3:23

Na inh iung năm tơ teh thŭng dơnă; tơdrong ư-ang rang mơnhal Kră Yang oei tơ noh thoi ư-ang rang mơnhal mă inh đei 'bôh tơ đak krong Kêbar, păng inh kŭp muh măt tơ teh.

Mathiơ 1:20

Kơplah sư oei tơchĕng tơdrong 'noh, na măng noh sư apo 'bôh linh jang 'lơ̆ng 'Bok Kei-Dei jur khan kơ sư thoi âu: “Ơ Yôsep, kon sâu Đawit, ih 'nĕ kơ hli iŏk Mari pơm akăn ih, mă sư oei anăp dang ei noh đơ̆ng Yang Bơhngol 'Lơ̆ng ăn kơ sư.

Luka 1:28

Linh jang 'lơ̆ng ei truh tơ Mari khan hloi thoi âu: “Kơkuh kơ ih, duch. 'Bok Kei-Dei wă yua ih păng Sư lăp đon kơ ih boih.”

Luka 2:8

Jê̆ pơlei noh đei lu bơngai wei triu kral kơmăng wei-lăng triu sư tơ bri.

Luka 24:4

Lu sư 'bôh tơdrong noh na lu sư sơleng kơ đon. Lăp pă 'biơ̆ kơ 'nei 'bôh blư hloi kơ 'bar 'nu linh jang 'lơ̆ng dơ̆ng jê̆ lu sư. Bre sư hrŭk ao kok rang hơdah.

Yo 12:41

Êsai khan thoi noh kơlih kơ 'Bok Kei-Dei tơ'bôh kơ sư 'Bok Krist sơ̆, Sư 'lơ̆ng rŏ tơpă, na Êsai chih roi tơdrong 'Bok Krist.

Jang 12:7

Mă-lei lăm hnam ei đei hloi ŭnh hơdah, linh jang 'lơ̆ng 'Bok Kei-Dei năm wă tơlĕch Pêtrôs. Linh jang 'lơ̆ng 'Bok Kei-Dei pel 'bơ̆t sơngiĕng păng râu Pêtrôs, khan hloi: “Iung mă kuăng wăi.” Na tơlei glang đêl đe chô̆ ti Pêtrôs ei tơyaih hloi.

Jang 27:23

Inh lui kơkuh kơ Kră Yang 'Bok Kei-Dei, Sư kư̆m wei-lăng inh mơ̆n. Măng hei linh jang 'lơ̆ng đơ̆ng 'Bok Kei-Dei năm tơ inh păng khan: ‘Ơ Pôl, ih 'nĕ pă hli. Ning-mônh ih gô dơ̆ng 'bơ̆t anăp pơtao tơm bơngai Rôm tơpă. 'Bok Kei-Dei kư̆m mơnat kơ đĭ-đăng lu bơngai năm hơdai hăm ih mơ̆n na lu sư kư̆m huay kơ lôch.’

Jang 5:19

Mă-lei đei linh jang 'lơ̆ng đơ̆ng Kră Yang 'Bok Kei-Dei năm pơih ăn kơ lu sư 'măng kơmăng tơlĕch lu sư păng khan:

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

Hêbrơ 12:21

Tôm tơdrong ei krưp dêh, na Môis mah khan: “Inh hli tơrơ dêh.”

Tơdrông Tơ'bôh 18:1

Klaih kơ noh inh 'bôh minh 'nu linh jang nai jur đơ̆ng plĕnh pran kơtang 'lơ̆ng klă klang rang jơ̆p teh.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.