Luka 2:7 - Sơ̆p Hlabơar Nơ̆r 'Bok Kei-Dei

⁷ klaih kơ noh sư tơpŭ kơ minh 'nu kon kơdră sư. Sư tơsu kơ kon sư minh blah khăn, klaih kơ noh tơ'bĭch kơpal 'nhĕt kro tơ lăm war rơmo yua kơ ưh kơ đei anih boih lăm hnam 'bĭch tơmoi.

Luka 2:7 Iomraidhean Croise

Bl 42:27

Truh tơ anih pai sa, minh 'nu lăm lu sư pơih lăng lăm 'bi wă ăn kơ aseh lu sư sa 'ba, oei 'bôh jên lu sư oei 'bơ̆t 'bi sư.

Bl 43:21

Păng wă nhôn brŏk truh tơ anih nhôn pơdơh nhôn pơih 'bi 'bôh jên lu nhôn oei tơ lăm 'bi lu nhôn ngăl; lơ tŏ sĕt trăp phiơl dang yơ oei tôm dôm noh. Âu, lu nhôn kư̆m chĕp ba kơsô̆ jên noh.

Horiso 22:6

Mă-lei inh nhen thoi hơdrông ưh kơ trŏ kon bơngai. Inh jing tơmam pơm kơ kon bơngai pơjăm, Păng tơmam pơm ăn kơ kon pơlei hiĕk ăr.

Le 4:24

Kơplah oei năm rok trong, Kră Yang tơ'bơ̆p Môis tơ anih hnam đe mơdro păng wă pơlôch lê̆ sư.

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Mathiơ 1:25

Mă-lei sư ưh kơ đei ngôi hơdai hăm Mari truh tơ năr Mari tơpŭ kơ kon nge 'noh. Na Yôsep anăn kon nge 'noh Yêsu.

Mathiơ 13:55

Sư kon 'bok ot 'long đĕch lah, mĕ Sư Mari păng lu oh Sư Yakơ, Yôsep, Simôn, Jut.

Mathiơ 8:20

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Luka 10:34

Sư thar pik đak pơgang 'bơ̆t rơka jĭ păng pơ̆n hloi jĭ noh, klaih kơ noh atŏk sư kơpal kơdŭ aseh sư kơdih, chơ ba sư tơ hnam tơmoi tep wă tơgŭm wei-lăng sư tơ noh.

Luka 2:6

Lăm năr bre sư oei tơ noh, truh kơ khei 'năr Mari boih,

Luka 2:8

Jê̆ pơlei noh đei lu bơngai wei triu kral kơmăng wei-lăng triu sư tơ bri.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Galati 4:4

Mă-lei truh boih năr 'Bok Kei-Dei pơkă, Sư wơh Kon Sư jur tơ ala teh âu. Kon bơngai bơ̆n tơpŭ kơ Sư, thoi noh na Sư kiơ̆ tôm tơdrong juăt kon bơngai.