Luka 2:51 - Sơ̆p Hlabơar Nơ̆r 'Bok Kei-Dei

⁵¹ Đơ̆ng rŏng kơ 'nei na Yêsu brŏk kiơ̆ mĕ 'bă Sư tơ Pơlei Nasaret. Sư chu yom kơ mĕ 'bă Sư ling-lang. Na mĕ Sư oei tơchĕng 'blŏk ling-lang kơ tơdrong noh hei păng dôm tơdrong đe khan lê̆ hơdrol gah kon sư, mă đơ̆ng sơ̆.

Luka 2:51 Iomraidhean Croise

Bl 37:11

Lu 'nhŏng sư blĕk kơ sư rai dêh. Gah 'bă sư răp gô lăng tơdrong noh.

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Da 7:28

dĭng dâu nơ̆r roi tơdrong tơ'bôh âu đĭ, gah inh Đaniel, tơdrong inh tơchĕng hơwơ̆l hơwang dêh. Muh măt inh jing dreng hơ'blă, mă-lei inh răk lăm đon inh dôm tơdrong noh.

Mathiơ 12:46

Kơplah Yêsu oei bơtho lu đe ei, na đei oh Sư hăm mĕ Sư dơ̆ng tơ 'ngoaih chă Sư wă pơma dơnuh.

Mathiơ 3:15

Yêsu khan kơ sư: “Bĕ ih jah pơm kơ Inh, ba pơm kiơ̆ thoi noh, wă kơ ba pơm trŏ thoi 'Bok Kei-Dei wă.” Thoi noh na Yôhan chu kơ nơ̆r Sư.

Markôs 1:9

Kơplah noh Yêsu truh đơ̆ng Pơlei Nasaret dêh Galilê, na Yôhan pơm 'batem kơ Sư lăm đak krong Jôrđăn.

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Luka 18:37

Na đe khan kơ sư: “Đe kiơ̆ Yêsu Pơlei Nasaret yak trong âu.”

Luka 2:19

Mari 'blŏk hơdơ̆r tơdrong noh, klaih kơ noh tơchĕng lăm đon sư kơdih.

Luka 2:39

Lăp mĕ 'bă Yêsu pơm tôm tơdrong kiơ̆ kơ tơdrong juăt 'Bok Kei-Dei pơkă boih, na lu sư brŏk tơ Pơlei Nasaret, pơlei sư kơdih tơ dêh char Galilê.

Luka 4:16

Klaih kơ noh Yêsu wih tơ Pơlei Nasaret, pơlei Sư kơdih. Lăp truh kơ năr pơdơh Sa'bat Sư năm akŭm tơ hnam 'Bok Kei-Dei pơlei Sư kơdih, yua kơ rim năr pơdơh Sa'bat Sư juăt kơ akŭm ngăl. Lăp truh tơ ei Sư iung wă đŏk kơ đe sơ̆p hla bơar 'Bok Kei-Dei.

Luka 4:23

Na Yêsu khan kơ lu sư: “Iĕm wă jô̆ kơ Inh tơdrong đe juăt kơ pơma thoi âu: ‘Ơ 'bok thây pơgang, pơklaih tơdrong jĭ ih kơdih 'mơ̆i, yua kơ pơlei âu pơlei Ih kơdih na Ih athei pơklaih đe tơ âu kư̆m thoi nhôn kơtơ̆ng ang Ih pơklaih đe tơ Pơlei Kapernum ki.’ ”

Êphêsô 5:21

Bơ̆n athei chu băl yua kơ bơ̆n bơngai lui kơ Yêsu Krist.

I Pet 2:21

'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.