Luka 2:47 - Sơ̆p Hlabơar Nơ̆r 'Bok Kei-Dei

⁴⁷ Na đĭ-đăng lu bơngai oei 'bơ̆t ei mơ̆ng Yêsu sơleng kơ đon yua kơ Yêsu tơl lu sư hơgei tơpă.

Luka 2:47 Iomraidhean Croise

Horiso 119:99

Inh đei đon hơgei hloh kơ lu bơngai bơtho inh. Yua kơ inh tơchĕng lu tơdrong đêl Ih bơtho khan.

Mathiơ 22:33

Lu kon pơlei pơla kơtơ̆ng Yêsu bơtho thoi noh, na lu sư băt kơ Yêsu bơtho hơgei tơpă.

Mathiơ 7:28

Hlôi Yêsu bơtho đang boih, na lu bơngai tơpôl ei mah chrêu kơ đon tơdrong Sư bơtho noh,

Markôs 1:22

Đe mơ̆ng chrêu kơ đon, yua kơ dôm nơ̆r Sư bơtho gơh hơgei tơpă, ưh kơ thoi lu thây bơtho tơdrong juăt lu đe Juđê chă bơtho đe.

Markôs 11:18

Lu 'bok soi tih păng lu 'bok thây bơtho tơdrong juăt đe Juđê kơtơ̆ng tơdrong 'noh, na lu sư chă tơdrong wă rôp pơlôch Sư. Lu sư hli kơ Yêsu kơlih kơ đĭ-đăng bơngai 'maih mơ̆ng tơdrong Sư bơtho, yua kơ lu sư mơ̆ng hlĭch tơpă.

Markôs 6:2

Lăm năr pơdơh Sa'bat Sư bơtho đe tơ hnam akŭm 'Bok Kei-Dei. Đei lơ bơngai năm mơ̆ng. Lu sư mơ̆ng hlĭch kơ đon păng khan: “Sư gơh dôm tơdrong âu đơ̆ng yơ kih? Lơliơ Sư băt tôm dôm tơdrong âu păng Sư gơh pơm tơdrong mơsêh?

Luka 2:18

Lu đe wang hlĭch hlăch kơtơ̆ng lu bơngai wei triu ră roi tơdrong noh.

Luka 2:46

Na lăp năr đơ̆ng rŏng dơ̆ng na bre sư 'bôh Sư tơ lăm hnam akŭm 'Bok Kei-Dei tơm tơ Pơlei Jêrusalem. Sư oei hơdai păng lu 'bok thây wă kơ mơ̆ng lu sư bơtho, na Sư kư̆m jet lu đe noh mơ̆n.

Luka 4:22

Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Luka 4:32

Lu đe ei mơ̆ng mah chrêu kơ đon yua kơ dôm nơ̆r Sư bơtho gơh hơgei tơpă.

Yo 7:15

Lu bơngai Juđê sơleng kơ đon yua kơ Yêsu bơtho hơgei tơpă. Lu sư pơma dih băl khan: “Lơliơ 'Bok âu ưh kơ đei chă pơhrăm tơ hnam trưng mă-lei Sư hơgei tôm tơdrong?”

Yo 7:46

Lu linh sư khan: “Đơ̆ng sơ̆ tam lah đei bơngai bơtho hơgei dang Sư.”