Luka 2:40 - Sơ̆p Hlabơar Nơ̆r 'Bok Kei-Dei

⁴⁰ Na Yêsu rai đunh rai wơ̆ kư̆m đei jơhngơ̆m pran. Sư kư̆m 'bơ̆r đon hlôh wao tôm tơdrong. 'Bok Kei-Dei lăp đon kơ Sư tơpă tơgŭm Sư ling-lang.

Luka 2:40 Iomraidhean Croise

Horiso 22:9

Trŏ boih, Ih tơlĕch inh đơ̆ng klak mĕ inh. Ăn kơ inh gơnang kơ Ih kơplah inh gơning 'bơ̆t kơtơh mĕ inh.

Horiso 45:2

Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.

Luka 1:80

Kon sư ei rai đunh rai wơ̆ păng nuih pran kơtang. Sư oei tơ char glă chơngue truh kơ 'Bok Kei-Dei gơh yua sư chă bơtho kơ lu bơngai Isơrael.

Luka 2:47

Na đĭ-đăng lu bơngai oei 'bơ̆t ei mơ̆ng Yêsu sơleng kơ đon yua kơ Yêsu tơl lu sư hơgei tơpă.

Luka 2:52

Na Yêsu 'brư̆ kơ khei 'brư̆ kơ sơnăm rai 'lŏ rai hơgei, mă 'Bok Kei-Dei mă kon bơngai kư̆m lăp đon kơ Sư ngăl.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Jang 4:33

Lu bơngai jơ̆ng 'bang Yêsu roi kơ đe lu sư 'bôh Yêsu iung arih boih. Lu sư kư̆m gơh pơm tơdrong mơsêh mơyang mơ̆n đơ̆ng Yêsu ăn kơ lu sư gơh tơgŭm đe. Păng 'Bok Kei-Dei kư̆m tơgŭm lu sư lăm tôm tơdrong mơ̆n.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

II Tim 2:1

Ơ dăm, ih athei adrin jang tơdrong Kră Yang Yêsu Krist pran kơtang. Sư boih gô ăn kơ ih jing pran.

Lu 13:24

Bơngai drŏ-kăn noh tơpŭ kơ minh 'nu kon drŏ-nglo, sư krao anăn Samsơn. Bơngai 'lơ̆p 'noh wơ̆ 'lŏ, Kră Yang ăn tơdrong pŭn hiôk kơ sư.

I Sam 2:18

Gah Samuel bơ̆jang 'bơ̆t anăp Kră Yang, sư oei 'lơ̆p, hrŭk ao Êphôt đe tanh hăm brai se.

I Sam 2:21

Kră Yang mơnat kơ Hana, na đei anăp tơpŭ pêng 'nu kon drŏ-nglo păng 'bar 'nu kon drŏ-kăn. Kon tơdăm anăn Samuel rai wơ̆ 'lŏ 'bơ̆t anăp Kră Yang.

I Sam 2:26

Samuel rai wơ̆ 'lŏ lăm akâu; pơm ăn kơ Kră Yang hăm kon bơngai bơ̆n lăp đon.

I Sam 3:19

Samuel wơ̆ 'lŏ gơh hơgei, Kră Yang oei hơdai sư: Kră Yang ưh kơ đei lê̆ minh nơ̆r hơyơ đơ̆ng Sư mă đei pơma boih. Sư gô pơm keh.