Luka 2:4 - Sơ̆p Hlabơar Nơ̆r 'Bok Kei-Dei

⁴ Yôsep yak đơ̆ng Pơlei Nasaret, dêh char Galilê, năm tơ Pơlei Betlehem, dêh char Juđê, pơlei Đawit sơ̆, yua kơ sư kon sâu adrĕch adrung Đawit.

Luka 2:4 Iomraidhean Croise

Bl 35:19

Đơ̆ng noh Rachel sư lôch, na 'bŭ 'bơ̆t cheng trong brŏk tơ Êphrat. Êphrat wă khan Betlehem.

Bl 48:7

Kơplah inh brŏk đơ̆ng Phadan tơ Kanaan na mĕ e lôch rok trong tơm măt inh, jê̆ Êphrat; inh 'bŭ sư jê̆ trong brŏk tơ Êphrat. Wă khan Betlehem.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Mathiơ 1:20

Kơplah sư oei tơchĕng tơdrong 'noh, na măng noh sư apo 'bôh linh jang 'lơ̆ng 'Bok Kei-Dei jur khan kơ sư thoi âu: “Ơ Yôsep, kon sâu Đawit, ih 'nĕ kơ hli iŏk Mari pơm akăn ih, mă sư oei anăp dang ei noh đơ̆ng Yang Bơhngol 'Lơ̆ng ăn kơ sư.

Mathiơ 2:23

Lu sư brŏk oei hloi tơ Pơlei Nasaret. Sư oei tơ noh 'blep thoi lu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Đe gô krao Sư bơngai Nasaret.”

Luka 2:3

Lu đe wang brŏk tơ pơlei sư kơdih wă chih tơmơ̆t anăn lu sư.

Luka 2:5

Thoi noh sư năm chih tơmơ̆t anăn sư tơ lăm sơ̆p hla bơar hơdai hăm Mari bơngai mă sơkơ̆t hăm sư, sư oei anăp.

Luka 4:16

Klaih kơ noh Yêsu wih tơ Pơlei Nasaret, pơlei Sư kơdih. Lăp truh kơ năr pơdơh Sa'bat Sư năm akŭm tơ hnam 'Bok Kei-Dei pơlei Sư kơdih, yua kơ rim năr pơdơh Sa'bat Sư juăt kơ akŭm ngăl. Lăp truh tơ ei Sư iung wă đŏk kơ đe sơ̆p hla bơar 'Bok Kei-Dei.

Yo 1:46

Na Nathanel khan: “Lơliơ? Tam mă biơh đei bơngai bu pơm tih đơ̆ng lăm Pơlei Nasaret ôh.” Na Philip khan dơ̆ng kơ sư: “Na ih jah năm lăng Sư deh wă kơ ih băt kơ Sư thoi yơ.”

Yo 7:42

yua kơ đei lăm sơ̆p hla bơar 'Bok Kei-Dei đe chih khan 'Bok Krist lĕch đơ̆ng krung kơtum 'bok Đawit, đơ̆ng pơlei 'bok Đawit mơ̆n. Pơlei ei anăn Pơlei Betlehem lăm dêh char Juđê.”

Ru 1:19

Thoi noh na bre sư năm hơdai truh tơ pơlei Betlehem. Kơplah bre sư truh tơ pơlei Betlehem đĭ-đăng bơngai lăm pơlei 'bôh 'brơ̆k mơnat, lu drŏ-kăn tơpinh băl, noh hăm trŏ kơ Naômi ưh?

Ru 2:4

'Bôô lĕch đơ̆ng pơlei Betlehem năm truh tơ mir sư khan kơ lu bơngai yuă 'ba thoi âu: Hơpơi kơ Kră Yang oei hơdai iĕm! Lu sư tơl khan. Hơpơi kơ Kră Yang ăn tơdrong pŭn hiôk kơ ih!

Ru 4:11

Đĭ-đăng lu kon pơlei păng lu kră 'bơ̆t 'măng jang ei wang tơl thoi âu: Đĭ-đăng lu nhôn pơsĭt tơdrong noh. Hơpơi kơ Kră Yang ăn bơngai drŏ-kăn mơ̆t oei lăm hnam ih nhen thoi bre Rachel păng Lêa, bre sư pơjing boih adrĕch Isơrael. Ăn kơ ih arih jang sa rai tŏk lăm char Êphratha păng anăn ih đei ư-ang lăm Betlehem.

Ru 4:17

Lu bơngai drŏ-kăn rông 'bôt lu sư anăn ăn kơ bơngai hơ'lơ̆p drŏ-nglo âu Ôbêt, na khan: Đe tơpŭ boih minh 'nu hơ'lơ̆p drŏ-nglo ăn kơ Naômi, Ôbêt sư jing 'bă kơ Jese, 'bok tơm Đawit.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 16:4

Samuel pơm kiơ̆ dôm tơdrong Kră Yang bơtho khan kơ sư, năm truh tơ pơlei Betlehem. Lu kră pơlei tơkan sơng sư. Lu sư hli na apinh: Ih năm tơ âu ba tơdrong hiôk-hian dah kiơ?

I Sam 17:12

Na, Đawit, kon drŏ-nglo Jese bơngai Êphrat, oei lăm pơlei Betlehem dêh Juđa; sư đei tơhngam 'nu kon drŏ-nglo, lăm chăl Sôl, Jese sư bơngai kră mă đe pơyom.

I Sam 17:58

Sôl pơma dơnuh hăm Đawit: Ơ dăm mơlôh, ih kon bu? Đawit tơl: Inh kon Jese, đĭch đam pơtao, oei tơ pơlei Betlehem.

I Sam 20:6

Tơdah 'bă ih 'bôh inh krŭl, na athei roi ăn kơ sư: Đawit apinh ih athei song sư brŏk tơ pơlei Betlehem, pơlei sư kơdih, yua kơ tơ noh đĭ hnam sư juăt kơ pơyơ̆r tơmam soi rim sơnăm.